Adam­zat me­de­ni­ýe­ti­niň naý­ba­şy mi­ra­sy, gö­zel­li­giň tä­sin nus­ga­sy ha­sap­lan­ýan ahal­te­ke be­dew­le­ri­niň şöh­ra­ty jüm­le-ja­ha­na dol­ýar. Ber­ka­rar­ly­gyň ýe­ňiş­li ga­dam­la­ry bi­len öňe bar­ýan eziz Wa­ta­ny­myz­da türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de mil­li se­ýis­çi­lik sun­ga­ty we at­çy­lyk spor­ty tä­ze sep­git­le­re ýet­ýär. «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» diý­lip yg­lan edi­len 2026-njy ýy­lyň sent­ýabr aýy­nyň il­kin­ji gün­le­rin­de aja­ýyp be­dew­le­riň muş­dak­la­ry­nyň ün­si Ýew­ro­pa gö­nük­di­ril­di. Ni­der­land­lar Pa­ty­şa­ly­gy­nyň Kro­nen­berg şä­he­rin­dä­ki meş­hur «Pil­ber­gen» hal­ka­ra at­çy­lyk sport mer­ke­zin­de ahal­te­ke at­la­ry­nyň ara­syn­da at­ly sport we gö­zel­lik bäs­le­şi­gi­niň dün­ýä çem­pio­na­ty­nyň gu­ral­ma­gy türk­men be­de­wi­niň şan-şöh­ra­ty­nyň bü­tin dün­ýä ýü­zün­de nä­de­re­je­de be­lent­de tu­tul­ýan­dy­gy­nyň aý­dyň su­but­na­ma­sy­na öw­rül­di.

Dün­ýä­niň iň ga­dy­my, asyl­ly we aras­sa gan­ly be­dew to­hum­la­ry­nyň bi­ri bo­lan ahal­te­ke at­la­ry­nyň ara­syn­da­ky bu dün­ýä çem­pio­na­ty­nyň Ýew­ro­pa­nyň iň meş­hur at­çy­lyk sport top­lum­la­ry­nyň bi­rin­de gu­ral­ma­gy­nyň çuň­ňur ma­ny­sy bar­dyr. Mu­nuň özi türk­men me­de­ni mi­ra­sy­nyň bü­tin­dün­ýä yk­rar­na­ma­sy bo­lup, hal­ky­my­zyň bäş müňýyllyk mil­li mi­ra­sy­ny hä­zir­ki za­man sport usu­ly­ýet­le­ri hem-de san­ly teh­no­lo­gi­ýa­lar bi­len üs­tün­lik­li ut­gaş­dyr­ma­ga tä­ze şert­le­ri we uly müm­kin­çi­lik­le­ri dö­ret­di.

Dün­ýä çem­pio­na­ty­nyň çäk­le­rin­de ahal­te­ke be­dew­le­ri­niň päs­gel­çi­lik­ler­den geç­mek, ýag­ny kon­kur, şeý­le hem çy­dam­ly­lyk we üşük­li­lik ýa­ly aja­ýyp sport hä­si­ýet­le­ri­ni açyp gör­kez­ýän özü­ne çe­ki­ji ýa­ryş­lar gu­ral­dy. Bu ýa­ryş­lar, asyr­la­ryň jüm­mü­şin­den göz­baş alyp gaýd­ýan türk­men se­ýis­çi­lik sun­ga­ty­nyň, be­dew­le­ri­mi­zi di­ňe bir gö­zel­lik däl, eý­sem, uly sport sy­nag­la­ry­na hem kä­mil de­re­je­de taý­ýar­la­ma­ga ukyp­ly­dy­gy­ny ýe­ne bir ge­zek äş­gär et­di. At­çy­lyk sun­ga­ty­nyň muş­dak­la­ry­nyň uly gy­zyk­lan­ma bi­len ga­ra­şan gö­zel­lik bäs­le­şi­gi we dün­ýä bel­li «Gal­ky­nyş» mil­li at üs­tün­dä­ki oýun­lar to­pa­ry­nyň üýt­ge­şik, täsin we haý­ran gal­dy­ry­jy çy­kyş­la­ry bu baý­ram­çy­ly­gyň iň ar­zy­ly da­ba­ra­la­ry­dyr.

«Pil­ber­gen» hal­ka­ra at­çy­lyk sport mer­ke­zin­de mil­li at es­bap­la­ry, şaý-sep­ler, meş­hur türk­men ha­ly­la­ry we ha­ly önüm­le­ri, zer­gär­çi­lik sun­ga­ty­nyň seý­rek nus­ga­la­ry, nak­gaş­lyk hem-de heý­kel­ta­raş­lyk eser­le­ri bi­len ta­nyş­dyr­ýan ser­gi­niň gu­ral­ma­gy mil­li me­de­ni­ýe­ti­mi­zi dün­ýä ýaý­mak­da uly äh­mi­ýe­te eýe­dir. Şo­nuň bi­len bir wagt­da, dür­li ýurt­lar­dan ýyg­na­nan alym­lar­dyr se­ýis­le­riň ahal­te­ke at­la­ry­nyň to­hum aras­sa­ly­gy­ny sak­la­mak, ola­ryň sag­ly­gy­ny go­ra­mak, se­ýis­le­me­giň in­no­wa­si­on usul­la­ry­ny we pu­da­ga san­ly ul­ga­my or­naş­dyr­mak ýa­ly wa­jyp me­se­le­le­riň gi­ňiş­le­ýin ara alyp mas­la­hat­laşyl­ma­gy üçin ge­çi­ri­len yl­my-ama­ly mas­la­ha­tyň uly äh­mi­ýe­ti bar.

Türk­men hal­ky­nyň ta­ry­hy yk­ba­lyn­da be­dew at mad­dy we ru­hy gym­mat­lyk­la­ryň iň be­lent de­re­je­si­ni eme­le ge­tir­ýär. Şo­nuň üçin-de, Ga­raş­syz Wa­ta­ny­myz­da at­çy­lyk pu­da­gy­ny ös­dür­mek, be­dew­le­riň şan-şöh­ra­ty­ny dün­ýä ýaý­mak döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri­dir. Gah­ry­man Ar­ka­da­gy­myz we Ar­ka­dag­ly Gah­ry­man Ser­da­ry­myz bu ugur­da dün­ýä nus­ga­lyk iş­le­ri ama­la aşyr­ýar­lar.

Ýur­du­my­zyň çar kün­je­gin­de döw­re­bap at­çy­lyk sport top­lum­la­ry, yl­my-önüm­çi­lik mer­kez­le­ri yzy­gi­der­li gur­lup ulan­ma­ga be­ril­ýär. Döw­le­ti­miz ta­ra­pyn­dan se­ýis­le­riň, ça­pyk­su­war­la­ryň we at­çy­lyk pu­da­gy­nyň hü­när­men­le­ri­niň ne­ti­je­li iş­le­me­gi we ýo­ka­ry sep­git­le­ri ga­zan­ma­gy üçin äh­li şert­ler dö­re­dil­ýär. Hä­zir­ki wagt­da Ar­ka­dag şä­he­rin­de ýer­leş­ýän Aba An­na­ýew adyn­da­ky Hal­ka­ra at­çy­lyk aka­de­mi­ýa­sy pu­dak üçin ýo­ka­ry de­re­je­li hü­när­men­le­ri taý­ýar­la­mak­da we ahal­te­ke at­la­ry­nyň ne­sil aras­sa­ly­gy­ny yl­my esas­da go­rap sak­la­mak­da uly äh­mi­ýe­te eýe­dir.

Şeý­le hem Türk­me­nis­ta­nyň baş­lan­gy­jy esa­syn­da «Ahal­te­ke at­çy­lyk sun­ga­ty we at­la­ry be­ze­mek däp­le­ri» at­ly mil­li hö­dür­na­ma­nyň tas­syk­la­nyp, onuň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi türk­men hal­ky­nyň asyr­la­ra uza­ýan ta­ry­hy­nyň do­wa­myn­da dö­re­den mil­li gym­mat­lyk­la­ry­nyň dün­ýä de­re­je­sin­de ýo­ka­ry ba­ha be­ril­ýän­di­gi­ni tas­syk­la­ýar.

Ni­der­land­lar Pa­ty­şa­ly­gyn­da ge­çi­ri­len dün­ýä çem­pio­na­ty Gah­ry­man Ar­ka­da­gy­my­zyň we hor­mat­ly Pre­zi­den­ti­mi­ziň taý­syz ta­gal­la­la­ry esa­syn­da Wa­ta­ny­myz­da ama­la aşy­ryl­ýan döw­let äh­mi­ýet­li be­ýik iş­le­ri hal­ka­ra jem­gy­ýet­çi­li­gi­ne ýe­ne bir ge­zek äş­gär et­di. Türk­me­niň göz gu­wan­jy, ba­şy­nyň tä­ji, we­pa­ly syr­da­şy bo­lan ahal­te­ke at­la­ry­my­zyň dün­ýä­dä­ki şöh­ra­ty­nyň art­ýan­dy­gy örän buý­sanç­ly­dyr. Mil­li gym­mat­ly­gy­myz bo­lan ahal­te­ke be­dew­le­ri­mi­zi yl­my esas­da öw­ren­mä­ge we ola­ryň şan-şöh­ra­ty­ny dün­ýä ýaý­ma­ga giň müm­kin­çi­lik­le­ri dö­red­ýän Gah­ry­man Ar­ka­da­gy­my­za hem-de Ar­ka­dag­ly Gah­ry­man Ser­da­ry­my­za al­kyş aýd­ýa­rys.