Her bir hal­kyň döw­let­li­li­gi­ni, ag­zy­bir­li­gi­ni we mil­li bi­te­wü­li­gi­ni gör­kez­ýän öz­bo­luş­ly däp­le­ri bol­ýar. Türk­men hal­ky­nyň müň­ýyl­lyk­la­ryň do­wa­myn­da ke­ma­la ge­ti­ren iň gym­mat­ly ýö­rel­ge­le­ri­niň bi­ri hem mö­hüm me­se­le­le­ri halk bi­len mas­la­hat­laş­mak­dyr. Şo­nuň üçin hem bu pa­ra­sat­ly ýö­rel­ge­ler hä­zir­ki dö­wür­de Türk­me­nis­ta­nyň Halk Mas­la­ha­ty­nyň alyp bar­ýan işin­de öz be­ýa­ny­ny tap­ýar.

Ta­ry­ha ýüz­len­sek, ga­dy­my dö­wür­ler­de hem ýurt­da pa­ra­hat­çy­ly­gy go­ra­mak, hal­kyň aba­dan­çy­ly­gy­ny üp­jün et­mek, goň­şy döw­let­ler bi­len gat­na­şyk­la­ry ýo­la goý­mak ýa­ly jo­gap­kär­li me­se­le­ler il ge­ňe­şi ar­ka­ly ara al­nyp mas­la­hat­la­şy­lyp­dyr. Mu­nuň özi türk­men hal­ky­nyň döw­let do­lan­dy­ry­şyn­da ge­ňe­şe we ag­zy­bir­li­ge uly äh­mi­ýet be­ren­di­gi­ni gör­kez­ýär.

Hä­zir­ki dö­wür­de Türk­me­nis­ta­nyň Halk Mas­la­ha­ty ata-ba­ba­la­ry­my­zyň döw­let­li­lik däp­le­ri­ni hä­zir­ki za­man ta­lap­la­ry bi­len ut­gaş­dyr­ýan ýo­ka­ry we­kil­çi­lik­li eda­ra hök­mün­de çy­kyş ed­ýär. On­da ýur­du­my­zyň sy­ýa­sy, yk­dy­sa­dy, me­de­ni we dur­muş ösü­şi­niň mö­hüm ugur­la­ry ara al­nyp mas­la­hat­la­şyl­ýar. Ýurdumyzda durmuşa geçirilýän işleriň esasy ugry hal­kyň bag­ty­ýar dur­mu­şy­ny üp­jün et­mek­den, döw­le­ti­mi­ziň kuw­wa­ty­ny art­dyr­mak­dan hem-de gel­jek ne­sil­ler üçin berk bin­ýat dö­ret­mek­den yba­rat­dyr.

Halk Mas­la­ha­ty­nyň mej­li­si­niň hal­kyň öň­de­ba­ry­jy we­kil­le­ri, il sy­lag­ly ýa­şu­lu­lar bi­len ge­çi­ril­me­gi­niň çuň­ňur ma­ny­sy bar. Se­bä­bi ta­ry­hy tej­ri­be hä­zir­ki ösüş bi­len ut­ga­şan­da ka­bul edil­ýän çöz­güt­ler has kä­mil we uzak gel­je­gi na­zar­la­ýan hä­si­ýe­te eýe bol­ýar. Olar ýaş nes­le di­ňe bir öwüt-ün­dew ber­män, eý­sem, öz dur­muş ýo­ly bi­len hem gö­rel­de gör­kez­ýär­ler. Şo­nuň üçin ola­ryň pi­kir­le­ri döw­let dur­mu­şyn­da hem aý­ra­tyn äh­mi­ýe­te eýe­dir.

Türk­men hal­ky­nyň Mil­li Li­de­ri Gah­ry­man Ar­ka­da­gy­myz mil­li döw­let­li­lik däp­le­ri­ni go­rap sak­la­ma­ga we ne­sil­le­riň öza­ra ara­bag­la­ny­şy­gy­ny pug­ta­lan­dyr­ma­ga uly üns ber­ýär. Hor­mat­ly Pre­zi­den­ti­mi­ziň pa­ra­sat­ly döw­let sy­ýa­sa­ty­nyň ne­ti­je­sin­de bu asyl­ly ýö­rel­ge­ler my­na­syp do­wam ed­ýär. Ýur­du­my­zyň äh­li ul­gam­la­ryn­da ga­za­nyl­ýan üs­tün­lik­ler, giň ge­rim­li öz­gert­me­ler şeý­le öň­den­gö­rü­ji­lik­li sy­ýa­sa­tyň aý­dyň ne­ti­je­si­dir.

Halk Mas­la­ha­ty halk bi­len döw­le­tiň bi­te­wü­li­gi­niň ny­şa­ny­dyr. On­da ka­bul edil­ýän çöz­güt­ler ra­ýat­la­ryň aba­dan­çy­ly­gy­na, ylym-bi­li­miň ös­me­gi­ne, mil­li me­de­ni­ýe­tiň baý­laş­ma­gy­na, ýaş nes­liň wa­tan­çy­lyk ru­hun­da ter­bi­ýe­len­me­gi­ne we ýur­du­my­zyň dün­ýä de­re­je­sin­dä­ki ab­ra­ýy­nyň has-da art­ma­gy­na gö­nük­di­ril­ýär.

Şu gün­ler mu­kad­des Ga­raş­syz­ly­gy­my­zyň 35 ýyl­lyk baý­ra­my­nyň öňü­sy­ra­syn­da ge­çi­ril­jek Türk­me­nis­ta­nyň Halk Mas­la­ha­ty­nyň no­bat­da­ky mej­li­si­ne ýo­ka­ry de­re­je­de gö­rül­ýän taý­ýar­lyk hem hal­ky­my­zyň je­bis­li­gi­niň be­ýa­ny­dyr.

Halk bi­len ge­ňeş­mek ýö­rel­ge­si jem­gy­ýe­tiň beý­gel­me­gi­ne hem-de ös­me­gi­ne oňyn tä­sir ed­ýär. Bil­şi­miz ýa­ly, ýur­du­myz­da ka­bul edi­len mak­sat­na­ma­la­ry ýe­ri­ne ýe­tir­mä­ge halk köp­çü­li­gi­ni giň­den çek­mek, tek­lip­le­ri iş­läp taý­ýar­la­mak, hal­ky­my­zyň ag­zy­bir­li­gi­ni, asu­da­ly­gy­ny, aba­dan­çy­ly­gy­ny ber­kit­mek hem-de Ga­raş­syz, he­mi­şe­lik Bi­ta­rap Wa­ta­ny­my­zyň mun­dan beý­läk-de gül­läp ös­me­gi­ne ýar­dam ber­mek Türk­me­nis­ta­nyň Halk Mas­la­ha­ty­nyň baş mak­sa­dy we esa­sy we­zi­pe­si bo­lup dur­ýar.

Türk­me­nis­ta­nyň Halk Mas­la­ha­ty döw­let­li­lik däp­le­ri­mi­ziň, halk paý­ha­sy­nyň we mil­li ýö­rel­ge­le­ri­mi­ziň hä­zir­ki za­man kä­mil be­ýa­ny­dyr. Ata-ba­ba­la­ry­my­zyň pa­ra­sat­ly ýo­lu­ny do­wam edip, jem­gy­ýe­tiň akyl-paý­ha­sy­na hor­mat goý­mak, hal­kyň pi­ki­ri­ne da­ýan­mak we mö­hüm çöz­güt­le­ri bi­le­lik­de ka­bul et­mek türk­men döw­le­ti­niň mi­ze­mez sü­tün­le­ri­niň bi­ri­dir. Bu be­ýik ýö­rel­ge­ler gel­jek­de hem ýur­du­my­zyň gül­läp ös­me­gi­ne, hal­ky­my­zyň bag­ty­ýar dur­mu­şy­na we Ga­raş­syz, he­mi­şe­lik Bi­ta­rap Türk­me­nis­ta­nyň dün­ýä ýü­zün­de ab­ra­ýy­nyň has-da be­len­de gal­ma­gy­na hyz­mat eder.