Türk­me­nis­ta­nyň mu­kad­des Ga­raş­syz­ly­gy­nyň şan­ly 35 ýyl­ly­gy­nyň da­ba­ra­lan­ýan «Ga­raş­syz, ba­ky Bi­ta­rap Türk­me­nis­tan – be­dew bat­ly at-my­ra­dyň me­ka­ny» ýy­lyn­da her bir gü­nü­miz be­ýik baş­lan­gyç­la­ra, toý-da­ba­ra­la­ra bes­len­ýär. Hä­zir­ki wagt­da 2026-2027-nji tä­ze okuw ýy­ly­na taý­ýar­lyk iş­le­ri örän ýo­ka­ry de­re­je­le­re eýe bol­ýar. Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň ta­gal­la­la­ry bi­len ýaş ne­sil­le­ri­miz ha­kyn­da­ky ala­da­lar döw­let de­re­je­sin­de esa­sy ugur­la­ryň bi­ri­dir. Şu nuk­daý­na­zar­dan, ça­ga­lar ha­kyn­da­ky ala­da­ny gör­mek we duý­mak ene-ata­la­ry bagt­ly ed­ýär.

Ýur­du­my­zyň äh­li ýer­le­rin­de bol­şy ýa­ly, bi­ziň et­ra­by­myz­da hem tä­ze okuw ýy­ly­na yk­jam taý­ýar­lyk gö­rül­ýär. Esa­san hem, her okuw ýy­ly­nyň öňü­sy­ra­syn­da gu­ral­ýan mek­dep ba­zar­la­ry Mag­tym­gu­ly et­ra­by­myz­da ýer­leş­ýän ba­zar­lar­da we söw­da mer­kez­le­rin­de ýo­ka­ry de­re­je­de hyz­mat ed­ýär. Bu ýer­dä­ki okuw es­bap­la­ry, okuw ly­bas­la­ry, şo­nuň ýa­ly-da, okuw­çy gyz­lar we og­lan­lar üçin taý­ýar­la­nan tah­ýa­lar köp­dür­lü­li­gi, owa­dan­ly­gy, gör­nüş­le­ri­niň köp­lü­gi bi­len ün­sü­ňi çek­ýär. Bel­le­me­li zat­la­ryň bi­ri-de, et­ra­by­myz­da ýer­leş­ýän ti­kin we aýak­gap kär­ha­na­syn­da ön­dü­ri­len eko­lo­gi­ýa taý­dan aras­sa ly­bas­lar özü­niň döw­re­bap bi­çü­wi, ýo­ka­ry hi­li bi­len hal­ka hö­dür­le­nil­ýär. Mek­dep ba­za­ry he­mi­şe köp adam­ly bo­lup, bu ýyl il­kin­ji ge­zek mek­dep­le­riň bo­sa­ga­la­ryn­dan ät­le­jek kör­pe­le­riň ene-ata­la­ry­nyň hem ge­rek­li okuw es­bap­la­ry al­ýan bagt­ly pur­sat­la­ry­nyň şa­ýa­dy bol­ýar­syň.

Mek­dep ba­za­ry­na ni­ýet­le­nen giň meý­dan­ça­da türk­me­niň mil­li­li­gi­ni şöh­le­len­dir­ýän egin-eşik­ler, mek­dep tor­ba­la­ry we dür­li mek­dep es­bap­la­ry ba­ha­la­ry­nyň el­ýe­ter­li­li­gi bi­len ta­pa­wut­lan­ýar. Söw­da mer­ke­zi­ne ene-ata­la­ry bi­len ge­len ça­ga­la­ryň ýüz­le­rin­de şat­lyk duý­gu­sy­ny gör­mek bol­ýar. Bu ýer­dä­ki sa­ty­jy­lar bol­sa aly­jy­lar bi­len my­la­kat­ly bo­lup, ýo­ka­ry hil­li hyz­mat ed­ýär­ler we ge­rek­li okuw es­bap­la­ryň äh­li­si­ni bir ýer­den al­ma­ga ýar­dam ber­ýär­ler. Biz bi­lim iş­gär­le­ri şeý­le aja­ýyp pur­sat­la­ry gö­re­ni­miz­de, buý­san­jy­myz go­şa­lan­ýar. Ýur­du­my­zyň äh­li kün­jek­le­rin­de bol­şy ýa­ly, tä­ze okuw ýy­ly­na yk­jam taý­ýar­lyk­ly gel­mek­le­ri üçin söw­da mer­kez­le­rin­de, mek­dep­ler­de äh­li müm­kin­çi­lik­le­riň dö­re­dil­me­gi mek­dep okuw­çy­la­ry­nyň şat­ly­gy­ny art­dy­ryp, tä­ze okuw ýy­ly­na uly hö­wes bi­len gel­me­gi­ne ýar­dam ber­ýär.