«Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýy­ly­nyň her gü­nü­ni zäh­met ýe­ňiş­le­ri­ne bes­le­ýän ag­zy­bir hal­ky­myz özü­niň naý­ba­şy baý­ra­my bo­lan Türk­me­nis­ta­nyň Ga­raş­syz­lyk gü­nü­ni ýo­ka­ry de­re­je­de my­na­syp gar­şy­la­mak üçin şu gün­ler­den uly taý­ýar­lyk gör­ýär. Mu­kad­des baý­ra­myň öň ýa­nyn­da Türk­me­nis­ta­nyň Halk Mas­la­ha­ty­nyň mej­li­si­niň ge­çi­ril­me­gi bol­sa şan­ly to­ýuň da­ba­ra­sy­ny has-da art­dyr­ýar.

Bil­şi­miz ýa­ly, şu ýy­lyň 15-nji iýu­lyn­da Türk­me­nis­ta­nyň Halk Mas­la­ha­ty­nyň Pre­zi­diu­my­nyň mej­li­si ge­çi­ril­di. Türk­men hal­ky­nyň Mil­li Li­de­ri Gah­ry­man Ar­ka­da­gy­myz mej­lis­dä­ki çuň­ňur ma­ny­ly çy­ky­şyn­da Halk Mas­la­ha­ty­nyň no­bat­da­ky mej­li­si­ne taý­ýar­lyk gör­mek bi­len bag­ly esa­sy ugur­lar ba­ra­da du­rup geç­di. Şu ýy­lyň 23-nji sent­ýab­ryn­da ge­çi­ril­jek Türkmenistanyň Halk Mas­la­ha­ty­nyň mej­li­sin­de ýur­du­my­zyň ösü­şin­de ga­za­ny­lan üs­tün­lik­ler we ýe­ti­len sep­git­ler be­ýan edi­ler, öň­de dur­ýan tä­ze we­zi­pe­ler kes­git­le­nip, il-ýurt bäh­bit­li çöz­güt­ler ka­bul edi­ler.

Hal­ky­myz­da «Ge­ňeş­li bi­çi­len don gys­ga bol­maz» di­ýen da­na pä­him bar. Bu asyl­ly ýö­rel­ge Gah­ry­man Ar­ka­da­gy­my­zyň ba­şy­ny baş­lan ta­ry­hy öz­gert­me­le­ri­ni üs­tün­lik­li do­wam ed­ýän hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da hä­zir­ki dö­wür­de has-da ro­waç­lan­ýar. «Döw­let adam üçin­dir!», «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» di­ýen baş taglymata esas­lan­ýan be­ýik iş­ler, asu­da­ly­gy we aba­dan­çy­ly­gy, dur­muş-yk­dy­sa­dy taý­dan ösü­şi üp­jün et­me­giň ne­ti­je­sin­de ga­za­nyl­ýan üs­tün­lik­ler ýur­du­my­zyň hal­ka­ra ab­ra­ýy­nyň has-da be­len­de gö­te­ril­me­gi­ni, hal­ky­my­zyň ýa­şa­ýyş-dur­muş de­re­je­si­niň yzy­gi­der­li ýo­kar­lan­ma­gy­ny üp­jün ed­ýär.

Şu ýyl hal­ky­myz Ga­raş­syz­ly­gy­my­zyň şan­ly 35 ýyl­ly­gy­ny uly da­ba­ra­lar bi­len gar­şy­la­ýar. Ga­raş­syz­lyk ýyl­la­ryn­da mil­li bi­lim ul­ga­my­nyň uly ösüş­le­re bes­le­nen­di­gi­ni bel­le­mek bol­sa aý­ra­tyn buý­sanç­ly­dyr. Ýaş nes­le be­ril­ýän bi­lim-ter­bi­ýä­niň hi­li­ni ýo­kar­lan­dyr­mak­da, hal­ka­ra tej­ri­be­le­ri mil­li ýö­rel­ge­ler bi­len ut­gaş­dy­ryp, döw­re­bap hem kä­mil usu­ly­ýet bin­ýa­dy­ny ke­ma­la ge­tir­mek­de ga­za­nyl­ýan üs­tün­lik­ler ber­ka­rar Wa­ta­ny­my­zy tä­ze müm­kin­çi­lik­le­riň ýur­dy hök­mün­de has-da uly meş­hur­ly­ga eýe ed­ýär. Şu nuk­daý­na­zar­dan, dur­mu­şy­my­zyň äh­li ugur­la­ry­ny ös­dür­mek, kä­mil­leş­dir­mek bi­len bir ha­tar­da, bi­lim ber­me­giň, hü­när­men­le­ri taý­ýar­la­ma­gyň tä­ze usul­la­ry­ny or­naş­dyr­mak bo­ýun­ça al­nyp ba­ryl­ýan iş­ler do­wam­ly hä­si­ýe­te eýe bol­ýar.

Şu gün­ler Di­ýa­ry­my­zyň äh­li kün­je­gin­de Halk Mas­la­ha­ty­nyň alyp bar­ýan iş­le­ri­niň ta­ry­hy hem-de sy­ýa­sy-jem­gy­ýet­çi­lik äh­mi­ýe­ti­ne ba­gyş­la­nan wa­gyz-ne­si­hat çä­re­le­ri, çy­kyş­lar we du­şu­şyk­lar giň­den ýaý­baň­lan­dy­ryl­ýar. Olar­da ber­ka­rar Wa­ta­ny­my­zyň gül­läp ösü­şi we Türk­me­nis­ta­nyň Halk Mas­la­ha­ty­nyň hal­ky­my­zyň ag­zy­bir­li­gi­ni, je­bis­li­gi­ni, aba­dan­çy­ly­gy­ny ber­kit­mek­de hem-de Ga­raş­syz, he­mi­şe­lik Bi­ta­rap döw­le­ti­mi­ziň has-da kuw­wat­lan­ma­gy­na ýar­dam ber­mek­de eýe­le­ýän or­ny ha­kyn­da­ky söh­bet­ler buý­sanç­ly ýaň­lan­ýar.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­ri mil­li de­mok­ra­ti­ýa­nyň ro­waç­lan­ýan za­ma­na­sy­dyr. Hal­ky­my­za ba­ky bag­ty­ýar­ly­gy peş­geş ed­ýän Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak, be­lent baş­la­ry aman bol­sun!