Hä­zir­ki aja­ýyp döw­rü­miz­de Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry ne­ti­je­sin­de döw­le­ti­miz ta­ra­pyn­dan bi­lim ul­ga­myn­da uly iş­ler al­nyp ba­ryl­ýar. Bi­lim äh­li ösüş­le­ri­mi­ziň, bag­ty­ýar­ly­gy­my­zyň we aba­dan­çy­ly­gy­my­zyň bin­ýa­dy, be­ýik geç­mi­şi­mi­ziň hem-de gel­je­gi­mi­ziň röw­şen ýo­lu­dyr.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de eziz Di­ýa­ry­myz­da bi­li­me teş­ne­li­gi, yl­ma yh­las­ly­ly­gy, pä­him-paý­has­ly­ly­gy bi­len dün­ýä meş­hur bo­lan mil­le­ti­mi­ziň asyl­ly ýö­rel­ge­le­ri­ne eýe­ri­lip, mil­li bi­lim ul­ga­my döw­re­bap­laş­dy­ryl­ýar, hil taý­dan tä­ze bas­gan­ça­ga çy­kar­mak ba­bat­da ägirt uly iş­ler ama­la aşy­ryl­ýar. Asyl­ly kä­riň eýe­le­ri bo­lan mu­gal­lym­la­ry­my­zyň, äh­li bi­lim iş­gär­le­ri­niň yh­las­ly hem-de tu­tan­ýer­li zäh­met çek­me­gi, ýaş nes­liň bi­lim­le­ri we ylym­la­ry öz­leş­dir­me­gi, hü­när­le­ri ele al­ma­gy üçin giň müm­kin­çi­lik­ler dö­re­di­lip, tä­ze döw­rü­mi­ziň kuw­wat­ly bin­ýa­dy ber­ki­dil­ýär. Döw­re­bap bi­lim­li, ylym­ly we edep-ter­bi­ýe­li, wa­tan­sö­ýü­ji ýaş­la­ry ýe­tiş­dir­mek üçin äh­li müm­kin­çi­lik­ler dö­re­dil­ýär.

Ýur­du­myz­da bi­lim ul­ga­myn­da «Türk­me­nis­tan­da umu­my­bi­lim mak­satna­ma­la­ry bo­ýun­ça okat­ma­gyň usu­ly­ýe­ti­ni kä­mil­leş­dir­me­giň 2028-nji ýy­la çen­li Kon­sep­si­ýa­sy­na» la­ýyk­lyk­da, ne­ti­je­li iş­ler dur­mu­şa or­naş­dy­ryl­ýar. Umu­my­bi­lim eda­ra­la­ry­ny san­ly­laş­dyr­ma­gyň bar­şyn­da dür­li ders­ler bo­ýun­ça okuw sa­pak­la­ry­ny hä­zir­ki za­ma­nyň ösen ta­lap­la­ry­na la­ýyk ge­tir­mek­de ze­rur şert­ler dö­re­di­lip, okuw-usu­ly­ýet işi kä­mil­leş­di­ril­ýär. Okuw ki­tap­la­ry, gol­lan­ma­la­ry, okuw-usu­ly top­lum­lar elekt­ron gör­nü­şin­de tä­ze mag­lu­mat­lar esa­syn­da baý­laş­dy­ryl­ýar. Okat­ma­gyň öň­de­ba­ry­jy, ýo­ka­ry ne­ti­je­li in­no­wa­sion usul­la­ry we müm­kin­çi­lik­le­ri, ola­ry okuw-ter­bi­ýe­çi­lik iş­le­ri­ne giň­den or­naş­dyr­ma­gyň ýol­la­ry ba­ra­da hal­ka­ra tej­ri­be­ler öz­leş­di­ril­ýär.

Go­laý­da Aş­ga­bat şä­he­ri­niň Baş bi­lim mü­dir­li­gi­niň mek­de­be çen­li ça­ga­lar eda­ra­la­ry­nyň mü­dir­le­ri­niň usu­ly-ama­ly okuw­la­ry hem gu­ra­ma­çy­lyk­ly ge­çi­ril­di. «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» di­ýen şy­gar bi­len ge­çi­ri­len bu usu­ly-ama­ly okuw­da 2026 — 2027-nji okuw ýy­lyn­da öň­de dur­ýan we­zi­pe­le­ri kes­git­le­mek ba­ra­da mas­la­hat­la­şyl­dy. Okuw­lar­da me­ýil­na­ma esa­syn­da bel­le­ni­len te­ma­lar bo­ýun­ça tä­sir­li çy­kyş­lar edi­lip, öza­ra pi­kir al­şyl­dy. 29-njy ça­ga­lar bak­ja-ba­gy­nyň mü­di­ri Ma­ýa Ça­ry­ýe­wa­nyň «Mek­de­be çen­li ça­ga­lar eda­ra­la­ryn­da da­şa­ry ýurt dil­le­ri sa­pak­la­ry­ny yl­myň we teh­ni­ka­nyň iň tä­ze ga­za­nan­la­ry­na esas­la­nyp, öň­de­ba­ry­jy in­no­wa­sion çe­me­leş­me­le­ri giň­den or­naş­dyr­ma­gyň ýol­la­ry», 72-nji ça­ga­lar bak­ja-ba­gy­nyň mü­di­ri Nur­täç Täç­my­ra­do­wa­nyň «Sag­lyk ýag­da­ýy se­bäp­li müm­kin­çi­li­gi çäk­li ça­ga­lar bi­len iş­le­me­giň aý­ra­tyn­lyk­la­ry­ny na­za­ra alyp, pe­da­go­gik iş­gär­le­riň işi­ni döw­re­bap gu­ra­ma­gyň usul­la­ry», 143-nji ça­ga­lar bak­ja-ba­gy­nyň mü­di­ri Aman­gö­zel Da­ňa­ta­ro­wa­nyň «Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022—2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li Mak­sat­na­ma­syn­dan» we «Türk­me­nis­tan­da umu­my­bi­lim mak­sat­na­ma­la­ry bo­ýun­ça okat­ma­gyň usu­ly­ýe­ti­ni kä­mil­leş­dir­me­giň 2028-nji ýy­la çen­li Kon­sep­si­ýa­syn­dan» ge­lip çyk­ýan we­zi­pe­le­ri amal et­me­giň ýol­la­ry» at­ly ýö­ri­te pre­zen­ta­si­ýa­ly çy­kyş­la­ry öza­ra pi­kir alyş­mak­da aý­ra­tyn äh­mi­ýet­li bol­dy. Şeý­le hem tä­ze okuw ýy­lyn­da öň­de dur­ýan we­zi­pe­ler we ge­çen okuw ýy­ly­nyň jem­le­ri bo­ýun­ça ha­sa­bat­lar bi­lim iş­gär­le­ri­niň et­rap, şä­her, we­la­ýat mas­la­hat­la­ryn­da öz be­ýa­ny­ny tap­dy.