«Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýy­lyn­da tä­ze 2026 — 2027-nji okuw ýy­ly­na ýur­du­my­zyň äh­li ýer­le­rin­de gu­ra­ma­çy­lyk­ly taý­ýar­la­nyl­ýar.

Ýur­du­myz­da­ky ba­zar­la­ryň, uly söw­da no­kat­la­ry­nyň ýa­nyn­da ýo­ka­ry de­re­je­de gu­ra­lan mek­dep ba­zar­la­ry şu gün­ler has-da köp adam­ly. Bu ýer­de mek­dep okuw­çy­la­ry, ta­lyp ýaş­lar üçin ze­rur okuw es­bap­la­ry­nyň örän köp gör­nüş­le­ri bar. Mek­dep ba­zar­la­ryn­da­ky ha­ryt bol­çu­ly­gy­ny gö­re­niň­de, ýur­du­my­zyň äh­li kün­jek­le­rin­de tä­ze okuw ýy­ly­na uly taý­ýar­lyk gö­rül­ýän­di­gi­niň şa­ýa­dy bol­ýar­syň. Mek­dep okuw­çy­la­ry ata-ene­le­ri bi­len bu ýe­re ge­lip, okuw es­bap­la­ry­ny, mek­dep ly­bas­la­ry­ny is­leg­le­ri­ne we ýaş aý­ra­tyn­lyk­la­ry­na gö­rä saý­lap-se­çip al­ýar­lar. Sa­tu­wa çy­ka­ry­lan döw­re­bap hem-de ýo­ka­ry hil­li okuw es­bap­la­ry, mil­li bi­çüw­de ti­ki­len okuw­çy ly­bas­la­ry aly­jy­la­ryň göw­nü­ne diý­seň ýa­ra­ýar.

Paý­tag­ty­myz Aş­ga­bat­da, Ar­ka­dag şä­he­rin­de we we­la­ýat mer­kez­le­rin­de, et­rap­lar­da, şä­her­ler­de ýo­ka­ry de­re­je­de gu­ra­lan mek­dep ba­zar­la­ry köp adam­ly bo­lup, bu ýer­dä­ki ha­ryt­la­ryň aly­jy­la­ryň is­le­gi­ni ka­na­gat­lan­dyr­ma­gy esa­sy ta­lap­dyr. Hal­kyň is­leg­le­ri­niň hä­zir­ki ösen döw­rün­de ola­ryň göw­nü­ne la­ýyk ha­ryt­la­ry hö­dür­le­mek, ola­ra ýo­ka­ry hil­li, göw­ne­jaý hyz­mat et­mek mö­hüm we­zi­pe­dir.

Ýur­du­my­zyň hu­su­sy te­le­ke­çi­le­ri­niň hem öz ýö­ri­te­leş­di­ri­len dü­kan­la­ryn­da okuw es­bap­la­ry­nyň we mek­dep ly­bas­la­ry­nyň söw­da­sy­ny göw­ne­jaý gu­ra­mak­la­ry mek­dep ba­za­ry­nyň kö­pu­gur­ly gu­ral­ma­gy­na oňyn tä­sir ed­ýär. Bu ýer­dä­ki ýo­ka­ry hil­li ha­ryt­lar hem örän el­ýe­ter­li­li­gi hem-de köp­dür­lü­li­gi bi­len ta­pa­wut­lan­ýar.

Mek­dep ba­zar­la­ryn­da aly­jy­la­ra hö­dür­le­nil­ýän ha­ryt­la­ryň ag­la­ba­sy­nyň öz ýur­du­myz­da ön­dü­ril­ýän­di­gi gu­wan­dy­ry­jy­dyr. Türk­men döw­let ne­şir­ýat gul­lu­gy ta­ra­pyn­dan «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» we Mu­kad­des Ga­raş­syz­ly­gy­my­zyň 35 ýyl­ly­gynyň ny­şan bel­gi­si bi­len okuw­çy­la­ra ni­ýet­le­nip çy­ka­ry­lan dep­der­ler, gün­de­lik­ler we beý­le­ki ze­rur okuw es­bap­la­ry amat­ly­ly­gy, aja­ýyp be­ze­gi bi­len ta­pa­wut­lan­ýar. Türk­me­nis­ta­nyň Dok­ma se­na­ga­ty mi­nistr­li­gi­niň kär­ha­na­la­ryn­da ön­dü­ri­len okuw­çy ly­bas­la­ry hem uly-ki­çi — hem­me­le­riň göw­nü­ne ýa­ra­ýar.