Hä­zir­ki aja­ýyp döw­rü­miz­de Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de be­ýik iş­ler dur­mu­şa ge­çi­ril­ýär. Ga­za­ny­lan hem ga­za­nyl­ýan üs­tün­lik­ler Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­ne aý­ra­tyn röw­şen­lik nu­ru­ny ça­ýyp, ag­zy­bir hal­ky­my­zyň şu gü­nü­ne buý­san­jy­ny, ýag­ty er­ti­ri­mi­ze yna­my­ny art­dyr­ýar.

Ar­ka­dag­ly Gah­ry­man Ser­da­ry­myz «Ýaş­lar — Wa­ta­nyň da­ýan­jy» at­ly ki­ta­byn­da: «Wa­ta­na söý­gi — hal­ka söý­gi. Bu ýö­ne bir dö­rä­ýen jüm­le däl. Wa­ta­nyň öý-ojak­dy­gy­ny, ýa­şa­ýan, oka­ýan, iş­le­ýän ýe­riň­dä­ki adam­lar­dy­gy­ny dur­mu­şyň özi gör­kez­ýär. Hal­kyň je­bis­li­gi, adam­la­ryň öza­ra yna­my ke­ma­la ge­lip, umu­my mak­sa­dyň ha­ty­ra­sy­na be­ýik iş­ler ama­la aşy­ryl­ýar. Hiç bir za­da tö­tän­lik di­ýip bol­ma­ýar. Be­ýik iş­ler bi­li­me da­ýan­ýar, bi­lim bol­sa ter­bi­ýe bi­len geç­me­li gym­mat­lyk­dyr. Bi­ziň hal­ky­myz ki­tap­hon halk. Ki­tap oka­lyp, onuň maz­mu­ny köp­çü­li­ge ýe­ti­ri­len­soň, ol ru­hy baý­ly­ga öw­rül­ýär. Ki­tap­dan oka­lan, öw­re­ni­len gym­mat­ly bi­lim­ler hem ter­bi­ýä­niň üs­ti bi­len gel­jek­ki ýaş­la­ra ge­çi­ril­ýär» di­ýip bel­le­ýär.

Hä­zir­ki aja­ýyp döw­rü­miz­de di­ňe bir paý­tag­ty­my­zyň ki­tap­ha­na­la­ry däl, eý­sem, äh­li we­la­ýat­la­ry­my­zyň ki­tap­ha­na­la­ry-da ösen döw­rüň ta­lap­la­ry­na do­ly la­ýyk gel­ýär. Ak mer­merli bi­na­lar­da ýer­leş­ýän ki­tap­ha­na­lar­da ki­tap­la­ryň ta­la­ba­la­ýyk sak­lan­ma­gy, oky­jy­la­ryň ylym öw­ren­mek­le­ri üçin äh­li amat­ly şert­ler dö­re­di­len­dir. Ki­tap­ha­na­lar­da or­naş­dy­ry­lan döw­rüň iň kä­mil in­no­wa­sion en­jam­la­ry bol­sa ge­rek­li ki­ta­by ýur­du­my­zyň is­len­dik ki­tap­ha­na­syn­dan elekt­ron gör­nüş­de sar­gyt edip al­ma­ga müm­kin­çi­lik ber­ýär.

Ki­ta­byň gym­ma­ty, dur­muş­da­ky tut­ýan or­ny ha­kyn­da akyl­dar­la­ryň, alym­la­ryň pa­ra­sat­ly söz­le­ri bar. Şol pa­ra­sat­ly söz­ler­de ki­ta­byň ne­sil ter­bi­ýe­sin­de hem-de yn­sa­nyň kä­mil­li­gi üçin uly ha­zy­na­dy­gy be­ýan edil­ýär. Ki­tap oka­mak yn­sa­nyň pi­kir­le­ni­şi­ni kä­mil­leş­dir­ýär. Şo­nuň üçin ýaş ne­sil­le­re ki­tap oka­ma­gy öw­ret­mek, ola­ryň gün­de­lik dur­mu­şyn­da ka­da bol­ma­gy­ny ga­zan­mak ter­bi­ýe bi­len berk bag­la­ny­şyk­ly­dyr. Aý­ra­tyn hem, ne­sil ter­bi­ýe­sin­de ki­tap­la­ryň, na­kyl­la­ryň or­ny ulu­dyr. Ata-ba­ba­la­ry­myz paý­has­ly söz­le­ri be­ýan et­mek bi­len ýaş­la­ryň kä­mil ylym­ly-bi­lim­li bol­mak­la­ry­ny ga­za­nyp­dyr­lar.

Bäş müň­ýyl­lyk ta­ryh­ly türk­men ynsan ru­hu­nyň iň ýo­ka­ry mu­kad­des­li­gi bo­lan ki­ta­by öm­rü­niň mü­di­mi­lik hem­ra­sy edi­nip­dir. Nur­my­rat Sa­ry­ha­no­wyň «Ki­tap» at­ly he­ka­ýa­syn­da Wel­my­rat aga­nyň maş­ga­la­nyň ýe­ke-täk ek­lenç çeş­me­si bo­lan dü­ýe­si­ni akyl­dar şa­hyr Mag­tym­gu­ly­nyň şy­gyr­la­ry jemlenen ki­ta­ba çal­şyp gel­me­gi­niň özi hal­ky­my­zyň ki­ta­ba, sö­ze goý­ýan sar­pa­sy­ny tas­syk­la­ýan aý­dyň su­but­na­ma­dyr.