Etrabymyzda ýerleşýän gözelliklere gezelenç

Türkmenistanyň Prezidenti Hormatly Serdar Berdimuhamedowyň taýsyz tagallalary netijesinde häzirki zaman milli bilim ulgamy ösüşiň belentliklerine tarap barha batly gadamlar bilen barýar. Umumybilim berýän orta mekdepleriň düzümini kämilleşdirmek, mugallymlaryň hünär ussatlygyny ýokarlandyrmak, okuw maksatnamalarynyň, kitaplarynyň, gollanmalarynyň taýýarlanyşyna bolan talaby güýçlendirmek, okatmagyň dünýä ülňülerine laýyk gelýän netijeli usullaryny gözlemek we ony okuw işine ornaşdyrmak häzirki zamanyň bilim syýasatynda ileri tutulýan ugurlardyr. Türkmenistanyň bilim ulgamy ata-babalarymyzyň taryhy geçmişimizi, ruhy-medeni we maddy gymmatlyklaryny ýaş nesle berilýän bilimiň derejesiniň kämilleşmegi, dünýä ülňelerine laýyk gelmegi üçin oňaýly şertler döredilýär. Ýaş nesle döwrüň talabyna laýyk bilim we terbiýe bermek, esasan, mugallymlaryň paýyna düşýär hem-de olardan döredijilikli zähmet çekmegi talap edýär. Mugallymlar, öz işiniň ussady bolmak üçin, edilýän talaplara päk zähmetimiz bilen jogap bermäge, “mugallym” diýen hormatly ada mynasyp bolmaga, bilim hazynasyna goşant goşmaga borçludyrlar. Ýaş nesliň okamagy ,öwrenmegi we mynasyp dynç almaklary üçin Döwletimizde ägirt uly işler durmuşa geçirilýär.Gyşky dynç alyş möwsüminiň dowam edýän günlerinde Gyzylarbat etrap bilim bölüminiň gyşky dynç alyş möwsüminiň meýilnamasy esasynda 2026-njy ýylyň ýanwar aýynyň 7-ne etrap bilim bölüminiň hünärmenleriniň ýolbaşçylygynda etrabyň orta bilim berýän mekdepleriniň mugallymlarynyň we başlangyç synp okuwçylarynyň gatnaşmagynda Gyzylarbat etrabynyň baş arçasyna gezelenç guraldy. Okuwçylar arçanyň başynda aýdymdyr, goşgular ýerine ýetirdiler. Şeýle hem şäher merkezi kitaphanasyna gezelenç guraldy. Kitaphananyň kitaphanaçysy Gülşirin Meredowa okuwçylary ‘Garaşsyz, baky Bitarap Türkmenistan-bedew batly at-myradyň mekany’ ýyly bilen gutlady, kitaphana bilen tanyşdyrdy we Gahryman Arkadagymyzyň we Arkadagly Gahryman Serdarymyzyň ýiti zehininden syzylyp çykan Atalyk kitaplar barada gürrüň berdi. Hormatly Arkadagymyzyň ”Älem içre at gezer” romany mugallymçylyk kärine söýgi döretmekdeesasy çeşme bolup hyzmat edýändigi we romanda Berdimuhamet Annaýewiň mugallymçylyk ussatlygy açylyp görkezilýändigi,”Dogrusyny aýtsaň, özüň mugallymam bolsaň, bilmeli, öwrenmeli zatlaryňam köp. Mugallym bütin ömrüne okap, öwrenip ýörmeli, şondan soň özgelere öwretmeli eken” diýip ýazan setirlerini okap berdi ,manysyny giňden düşündirdi. Okuwçylar şäher merkezi kitaphanasynyň okalga zalynda höwes bildiren kitaplaryny okadylar we okan kitaplarynda özlerinde galdyran täsirleri barada gürrüň berdiler. Soňra etrabyň sungat mekdebine baryp, sungat mekdebinde alnyp barylýan işler barada tanyşdylar. Sungat mekdebine gatnaýan okuwçylar öz çalyp bilýän saz gurallarynda saz çaldylar we aýdymlary ýerine ýetirdiler. Etrabyň gözel ýerlerine gurnalan gezelenjiň üsti bilen biziň maksadymyz ula hormat goýýan, kiçini söýýän,öz borjuna oňat düşünýän döwrebap ýaş nesilleri watansöýüji, päk ahlaklylyk ruhunda terbiýelemekden ybaratdyr. Şeýle asylly maksada ýetmegiň ýolunda ýaş nesle berilýän terbiýäniň aýratyn ornunyň bardygyny we terbiýäniň,her bir gurnalýan dynç alyş çäreleriniň asla çäginiň ýokdugyny ýatladasym gelýär. Eziz Watanymyzyň, mähriban halkymyzyň geljegi bolan ýaş nesil hakynda Atalyk aladasyny edýän Gahryman Arkadagymyza ,Arkadagly Gahryman Serdarymyza çäksiz alkyş aýdýarys. Goý olaryň janlary sag, ömürleri uzak bolsun, il-ýurt bähbitli alyp barýan işleri hemişe rowaç alsy Çeşmesi: Türkmenistanyň Bilim ministirligi