GAHRYMAN ARKADAGYMYZYŇ “HAKYDA GÖWHERI” KITABY BOÝUNÇA BÄSLEŞIGIŇ ŞÄHER TAPGYRY GEÇIRILDI
Üstümizdäki ýylyň 20-nji noýabrynda Balkan welaýat Baş bilim müdirliginiň umumy orta bilim bölümi, şeýle hem müdirligiň garamagyndaky umumybilim edaralarynyň mugallymlarynyň we mekdebe çenli çagalar edaralarynyň terbiýeçileriniň hünär derejesini ýokarlandyryş merkezi bilen ýörite işlenilip taýýarlanylan meýilnama esasynda welaýatyň bilim işgärleriniň arasynda kitap okamaklygyň bir aýlygynyň çäklerinde türkmen halkynyň Milli Lideri, Türkmenistanyň Halk Maslahatynyň başlygy, Gahryman Arkadagymyzyň halkymyza peşgeş beren “Hakyda göwheri” kitaby boýunça bäsleşiň şäher tapgyry geçirildi. Bäsleşigiň maksady Türkmenistanyň Hormatly Prezidentiniň “Türkmenistanda kitaphana ulgamyny ösdürmegiň 2025-2029-njy ýyllar üçin döwlet maksatnamasyny tassyklamak hakynda” 2025-nji ýylyň 24-nji ýanwarynda çykaran 1251 kararyndan gelip çykýan wezipeleri durmuşa geçirmekden, bilim edaralarynyň işinde ýaşlara kämil bilim, milli ruhda terbiýe bermek işinde Gahryman Arkadagymyzyň ýiti zehininden dörän “Hakyda göwheri” kitabyny ýatdan bilmekden we bilim işgärleriniň kitap okamaklyk endiklerini has-da ösdürmekden ybarat bolup durýar. Bäsleşige bilim edaralaryndan saýlanan bilim işgärleri: umumybilim berýän orta mekdepleriň we mekdebe çenli çagalar edaralarynyň işgärleri iki ugur boýunça gatnaşdylar. Bäsleşikde taýýarlanan soraglara kompýuter maksatnamalary esasynda jogap bermekligiň netijesinde umumybilim berýän orta mekdepleriniň mugallymlarynyň arasynda Balkanabat şäheriniň ýöriteleşdirilen 3-nji orta mekdebiniň mugallymy Myrat Sopyýew, Balkanabat şäheriniň 17-nji orta mekdebiniň taryh mugallymy Hemra Täçgylyjow, Balkanabat şäheriniň 10-njy orta mekdebiniň mugallymy Gülnur Gazakbaýewa, mekdebe çenli çagalar edaralary boýunça Balkanabat şäheriniň 11-nji çagalar bagynyň terbiýeçisi Annaýewa Baýrambibi, Balkanabat şäheriniň 34-nji çagalar bagynyň terbiýeçisi Mämmedannaýewa Amantäç, Balkanabat şäheriniň 17-nji çagalar bagynyň terbiýeçisi Guwanjowa Gunça dagylar aýratyn tapawutlanyp bäsleşigiň welaýat tapgyryna gatnaşmaga hukuk gazandylar. Bäsleşigiň ýeňijileri Balkan welaýat Baş bilim müdirliginiň degişli diplomlary we Türkmenistanyň Demokratik partiýasynyň Balkanabat şäher komitetiniň ýadigärlik sowgatlary bilen sylaglanyldy. Gurbanmyrat SAPAROW, Balkan welaýat Baş bilim müdirliginiň ýanyndaky umumybilim edaralarynyň mugallymlarynyň we mekdebe çenli çagalar edaralarynyň hünär derejesini ýokarlandyryş merkeziniň müdiri Çeşmesi: Türkmenistanyň Bilim ministirligi