Türkmenistan, Özbegistan, Gyrgyzystan we Täjigistan ýokary bilim hakyndaky diplomlary özara ykrar etdiler

Türkmenistan, Özbegistan, Gyrgyzystan we Täjigistan ýokary bilim hakyndaky resminamalary özara ykrar etmek baradaky möhüm ylalaşyga gol çekdiler. Bu resminama, gatnaşyjy ýurtlaryň çäginde akkreditirlenen ýokary okuw mekdepleri tarapyndan berlen diplomlaryň göni we bökdençsiz kanunylaşdyrylmagyny aňladýar. Gol çekilen ylalaşyk sebitiň raýatlarynyň akademiki we zähmet hereketini ýeňilleşdirýär. Diplomlar indi gatnaşyjy ýurtlaryň islendiginde hünär işjeňligine göni hukuk berýän resminamalar hökmünde kabul ediler. Uçurymlar goşmaça amallarsyz öz hünärleri boýunça goňşy döwletlerde tejribe geçip we okuwlaryny (mysal üçin, magistraturada ýa-da aspiranturada) dowam etdirip bilerler. Ylalaşykda ykrar etmegiň, tassyklanýan hünäriň sebitiň ýokary bilim ulgamlarynda kabul edilen umumy talaplara laýyk gelmegi şerti bilen amala aşyryljakdygy göz öňünde tutulýar. Ykrar etmekden ýüz öwürmäge diňe bildirilýän hünär talaplarynyň arasynda düýpli tapawutlaryň subut edilen ýagdaýynda ýol berilýär. Çeşme: Türkmenistanyň halkara habarlar portaly Çeşmesi: Türkmenistanyň Bilim ministirligi