Edep­li ile ýa­rar

Türk­men hal­ky­nyň ter­bi­ýe me­se­le­sin­de ata-ba­ba­la­ry­nyň ýö­rel­ge­le­ri­ne eýer­ýän­di­gi buý­sanç­ly­dyr. Maş­ga­la­dan baş­lan­ýan ter­bi­ýä­niň düýp öze­ni maş­ga­la ag­za­la­ry­nyň hem edep­li­li­gin­den we sa­ly­kat­ly­ly­gyn­dan ge­lip çyk­ýar. Maş­ga­la nä­hi­li asu­da bol­sa, ol ýer­de önüp-ös­ýän ça­ga­lar hem şo­ňa gö­rä bol­ýar. Se­bä­bi ça­ga gö­re­ni­ni eşi­de­nin­den hem çalt ka­bul ed­ýär. Maş­ga­la­da haý­sy­dyr bir mil­li el iş­le­ri­niň edi­li­şi­ne üns be­ril­ýän bol­sa, öý­dä­ki ça­ga­lar şol iş­le­re güm­ra bol­ýar­lar. Ter­bi­ýä­niň kä­mil usul­la­ry­nyň bi­ri zäh­met bi­len ut­gaş­dy­ryl­ma­gy­dyr. Bu ba­bat­da çagalaryň öý iş­le­rin­de ýar­dam et­mek­le­ri has-da peý­da­ly usul­la­ryň bi­ri­dir. Esa­san hem, öý işi­ne kö­mek edi­len­den soň­ra, ça­ga­la­ra «be­re­kel­la» di­ýil­se, ola­ryň kö­mek eden iş­le­ri­niň ne­ti­je­si­niň go­wy bo­lan­dy­gy nyg­tal­sa, ça­ga­lar mu­ny üs­tün­lik hök­mün­de ka­bul ed­ýär­ler. Bu bol­sa olar­da he­mi­şe zäh­met çek­seň, go­wy bol­ýan­dy­gy ba­ra­da­ky dü­şün­jä­ni kä­mil­leş­dir­ýär. Türk­men hal­ky­nyň asyr­lar­bo­ýy kä­mil­leş­di­rip ge­len ter­bi­ýe mek­de­bi hä­zir­ki aja­ýyp döw­rü­miz­de buý­sanç bi­len do­wam et­di­ril­ýär. Edep-ter­bi­ýe me­se­le­sin­de do­wam edip gel­ýän asyl­ly däp-des­sur­la­ra, urp-adat­la­ra uly orun be­ril­ýär. Ter­bi­ýä­niň baş mak­sa­dy özü­ňi ah­lak­ly alyp bar­ma­gyň en­dik­le­ri­ni we asyl­ly hä­si­ýet­le­ri ke­ma­la ge­tir­mek­den yba­rat­dyr. Ter­bi­ýe paý­has­ly söz­ler, gö­rel­de bi­len ut­gaş­ma­ly­dyr. Di­ňe şeý­le ýag­daý­da ýaş­la­ra ber­len öwüt-ün­dew­ler aňa siň­ňit­li bar­ýar. Ça­ga­la­ryň sag­dyn ter­bi­ýe­li, edepli bol­mak­la­ry baş mak­sa­dy­myz­dyr. Şo­nuň üçin hem ne­sil ter­bi­ýe­sin­de ow­nuk za­dyň ýok­du­gy nyg­tal­ýar. Ogul­şi­rin US­TA­ÝE­WA, Ak­de­pe et­ra­byn­da­ky 42-nji or­ta mek­de­biň mu­gal­ly­my.