Ylym — gymmatly hazyna

Dünýäde ähmi­ýeti barha artýan bilim we ylym ulgamynyň toplumlaýyn döwre­baplaşdyrylmagy Türkmenistanyň döwlet syýasatynyň ileri tutulýan ugurlarynyň biri bolup durýar. Bu ugurda bar bolan kuwwatyň peý­da­la­nyl­ma­gy, müm­kin­çi­lik­le­riň ula­nyl­ma­gy, yl­myň ös­dü­ril­me­gi, ýokary bilimli hünärmenleriň taýýarlanyl­magy ýurdumyzyň durnukly ösü­şiniň möhüm şertidir. Ylym-bilim her bir ynsan, halk, döw­let üçin bahasyz baýlykdyr, gymmatly hazynadyr. Her bir döwletiň ykdysady kuwwatyny artdyrmakda, halkyň bagtyýar durmuşyny üpjün etmekde ylym ulgamyna aýratyn orun degişlidir. Çünki innowasiýalaryň ösen häzirki döwründe ylym-bilim döwrebap işleri durmuşa geçirmekde möhüm serişde bolup hyzmat edýär. Yl­my ös­dür­mek­de hä­zir­ki za­man dünýä tejribe­le­ri­niň öwrenilmegine, daşary ýurtly hyzmat­daşlar bilen netijeli gatnaşyklaryň ösdürilmegine uly ähmiýet beril­ýär. Gah­ry­man Ar­ka­da­gy­myz tarapyndan bin­ýa­dy goý­lup, hormatly Prezidenti­mi­ziň baştutanlygynda üstünlikli dur­muşa geçirilýän özgertmeler bi­lim ul­ga­my­na halkara standartlaryň or­naşdyrylmagyna, bu ugurda öňde goýlan wezipeleriň üstünlikli çö­zülmegine gönükdirilýär. Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de bar­ha ös­ýän talaplardan ugur alyp, bilim, ylmy usulyýetler, okuw meýilnamalary, maksatnamalary döw­re­bap kämilleşdiril­ýär. Interaktiw we uzak ara­lykdan okatmagyň müm­kin­çi­lik­le­ri gi­ňel­ýär Me­ret­gu­ly ÝAÝ­LY­MOW, Türk­men döw­let be­den­ter­bi­ýe we sport ins­ti­tu­ty­nyň as­pi­ran­tu­ra bö­lü­mi­niň baş hü­när­me­ni.