28.10.2025

Ýaşasyn parahat durmuş!

Hoşniýetli goňşuçylyga, birek-birege hormat goýmaga, deňhukuklylyga, dünýäniň ähli döwletleri bilen özara bähbitli hyzmatdaşlyga esaslanýan Bitaraplyk syýasatymyz yzygiderli durmuşa geçirilýär. Şunda halkara hökümetara gurama ― Birleşen Milletler Guramasy bilen ýokary netijeli strategik hyzmatdaşlygyň barha giň gerime eýe bolmagy ata Watanymyzyň dünýädäki at-abraýynyň belent derejesini alamatlandyrýar. Şu ýyl bu iri guramanyň döredilmeginiň 80 ýyllygy bütin dünýäde dabaralandyrylyp, paýtagtymyz Aşgabatda hem şanly sene mynasybetli dürli mazmunly çäreler ýaýbaňlandyrylýar. Şunuň bilen baglylykda, ýakynda, has takygy, 23-nji oktýabrda Türkmenistanyň Daşary işler ministrliginiň Halkara gatnaşyklary institutynda BMG-niň esaslandyrylmagynyň 80 ýyllygyna bagyşlanyp geçirilen maslahat hem möhüm ähmiýete eýe boldy.