Bäsleşikler
01.11.2025
«2025-nji ýylyň – Halkara parahatçylyk we ynanyşmak ýyly» diýlip yglan edilmegi we Baky Bitaraplygymyzyň 30 ýyllyk baýramçylygy mynasybetli ýurdumyzyň we daşary ýurtlaryň ýokary okuw mekdepleriň talyplarynyň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasy
I. Olimpiadany geçirmegiň ähmiýeti Hormatly Prezidentimiziň parasatly baştutanlygynda halkymyzyň gadymdan gelýän hoşniýetlilik, parahatsöýüjilik, ynsanperwerlik häsiýetleri we däpleri döwletimiziň dost-doganlyk ýörelgesiniň esasy bolup durýar. Baky Bitarap Türkmenistan döwletimiziň daşary syýasat strategiýasynda gazanýan üstünlikleri, halkara hyzmatdaşlygy ösdürmekde we umumadamzat ösüşlerine bagly meseleleriň oňyn çözgütlerini tapmakda alyp barýan parahatçylykly ýörelgesi dünýä bileleşigi tarapyndan giňden goldanylýar. Birleşen Milletler Guramasynyň Baş Assambleýasynyň mejlislerinde Türkmenistanyň başlangyjy esasynda taryhy Kararnamalar biragyzdan kabul edilýär, şolaryň esasynda bolsa «2025-nji ýyl Halkara parahatçylyk we ynanyşmak ýyly» diýlip yglan edildi. Halkara parahatçylyk we ynanyşmak ýylynyň yglan edilmegi dünýä döwletleriniň arasyndaky köptaraplaýyn gatnaşyklarda parahatçylygyň we ynanyşmagyň pugtalanmagyna özboluşly itergi berýär. Hususan-da, ol durnukly ykdysady ösüşi gazanmak maksady bilen, syýasy gepleşikleri, özara düşünişmegi we halkara hyzmatdaşlygy ýola goýmagyň esasynda tagallalary jebisleşdirmekde uly ähmiýete eýe bolup durýar. Milli ykdysadyýetimiziň ösýän döwründe daşary ýurtlar bilen ykdysady gatnaşyklary ösdürmeklik hem-de ony pugtalandyrmaklyk döwrüň derwaýys meseleleriniň biridir. Şonuň üçin hem dünýä döwletleri bilen ähli ugurlarda şol sanda ylym-bilim ulgamynda hyzmatdaşlyklaryň ýola goýulmagy hem-de olar bilen bu ugurda içgin pikir alyşmalaryň kämilleşdirilmegi giň gözýetimli, kämil hünärmenleri, Watansöýüji ýaşlary ýüze çykarmaklyga uly itergi berýär. Ýurdumyzyň ýokary okuw mekdepleriň hem-de dünýäniň abraýly ýokary okuw jaýlarynyň talyplarynyň arasynda ykdysady ugurlar boýunça olimpiadalaryň yzygiderli geçirilmegi ilkinji nobatda ykdysady çemeleşmeleri ösdürmekdäki we Türkmenistanyň sanly bilim ulgamynda gazanan netijelerini hem-de ýaşlaryň innowasion tehnologiýalary ulanmakdaky ukyp-başarnyklaryny kämileşdirýär. “Türkmenistanda sanly bilim ulgamyny ösdürmegiň Konsepsiýasyna” laýyklykda bilim ulgamynda ýokary netijeleri gazanmak, şeýle hem bilimiň hilini yzygiderli kämilleşdirmek maksady bilen ýurdumyzyň we daşary döwletleriň ýokary okuw mekdepleriň talyplarynyň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň geçirilmegi milli ykdysadyýetimiziň durnukly ösýän we halkara derejesine çykýan döwründe innowasion tehnologiýalary netijeli peýdalanýan we ýüze çykýan ykdysady meseleleri özbaşdak çözmegi başarýan zehinli talyp ýaşlary kemala getirmekde möhüm ähmiýete eýe bolar. II. Olimpiadany geçirmegiň maksady «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň geçirilmeginiň esasy maksady ýaş nesliň ykdysady düşünjelerini has-da giňeltmekden, olara dünýäde parahatçylygy we birek-birege bolan ynanyşmagy berkitmegiň zerurlygyny wagyz etmekden şeýle-de, onuň ykdysady ösüşdäki möhüm ornuny görkezmekden, netijede ýaşlaryň döredijilikli, ykdysady taýdan pikirlenmek ukyplaryny has-da ösdürmekden ybaratdyr. III. Olimpiadanyň wezipeleri: - häzirki zaman bilim, sanly tehnologiýalary ulanmak arkaly ykdysady meseleleri çözmeklige gyzyklanma döretmek; - zehinli we ukyply ýaşlary ýüze çykarmak, olaryň mundan beýläk intellektual ösüşi bilen bagly ukyp başarnyklarynyň ösmegine oňyn şertleri döretmek; - sanly maglumat-kommunikasiýa tehnologiýalary arkaly ýokary okuw mekdepleriň özara aragatnaşygyny amala aşyrmak. IV. Olimpiadanyň geçirilişiniň tertibi - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyna Türkmenistanyň we daşary ýurtlaryň ýokary okuw mekdepleriniň dürli ugurlary boýunça okaýan talyplary gatnaşyp bilerler; - olimpiadanyň resmi iş dilleri – türkmen, rus, iňlis dilleri; - olimpiada 2025-nji ýylyň 28-nji noýabrynda Aba Annaýew adyndaky Halkara atçylyk akademiýasynyň www.ihba.edu.tm salgysynda ýerleşýän onlaýn platformasynda geçiriler. Olimpiada gatnaşmak üçin dalaşgärleri hasaba almak hem şu platformanyň üsti bilen 2025-nji ýylyň 24-nji noýabryna çenli amala aşyrylýar; - Guramaçylyk topary olimpiadanyň geçirilişine Zoom platformasy arkaly onlaýn wideo gözegçiligi amala aşyrýar; - Guramaçylyk topary tarapyndan gatnaşyjylara bir gezek ulanmaga niýetlenen ulanyjynyň ady (login) we parol olimpiada geçirilýän güni gatnaşyjynyň hasaba alnan elektron salgysyna ugradylýar. - Internet olimpiadasynyň ýumuşlary Makroykdysadyýet, Dünýä ykdysadyýeti we Halkara ykdysady gatnaşyklar derslerine degişli test soraglaryndan ybarat bolar. V. Olimpiadanyň guramaçylyk-usulyýet üpjünçiligi Ýurdumyzyň we daşary ýurtlaryň ýokary okuw mekdepleriniň talyplarynyň arasynda - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyny guramak we geçirmek boýunça umumy ýolbaşçylygy amala aşyrmak üçin Guramaçylyk topary döredilýär. - ýurdumyzyň we daşary ýurtlaryň ýokary okuw mekdepleriniň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyny geçirmegiň esasy ýörelgelerini kesgitleýär hem-de olimpiadany guramak we geçirmek boýunça guramaçylyk işleriň toplumyny ýerine ýetirýär; - olimpiadany geçirmegiň tertibini we möhletini kesgitlemek boýunça teklipleri hem-de usulyýet we gözükdiriji gollanmalary taýýarlaýar; - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň meselelerini işläp taýýarlamak boýunça işleri alyp barýar; - olimpiadanyň eminler toparynyň düzümi Aba Annaýew adyndaky Halkara atçylyk akademiýasynyň rektory tarapyndan tassyklanylýar. VI. Olimpiadanyň geçirilişine bildirilýän talaplar - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyna gatnaşýan her bir talyp berilýän ýumuşlary özbaşdak işlemeli; - olimpiadanyň geçirilýän wagtynda birek-birek bilen gepleşmeklige, dürli neşir önümlerinden peýdalanmaga rugsat berilmeýär; - ýokardaky düzgünleri berjaý etmeýän talyplar bäsleşige gatnaşýanlaryň hataryndan çykarylar. VII. Olimpiadanyň netijelerini jemlemek we ýeňijileri sylaglamak Bäsleşigiň netijeleri boýunça toplanan ballaryň jemi esasynda I, II we III orunlar kesgitlenilýär. Bäsleşigiň ýeňijileri Aba Annaýew adyndaky Halkara atçylyk akademiýasynyň rektory tarapyndan I, II we III derejeli diplomlar bilen sylaglanar.
Täzelikler
«2025-nji ýylyň – Halkara parahatçylyk we ynanyşmak ýyly» diýlip yglan edilmegi we Baky Bitaraplygymyzyň 30 ýyllyk baýramçylygy mynasybetli ýurdumyzyň we daşary ýurtlaryň ýokary okuw mekdepleriň talyplarynyň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasy
I. Olimpiadany geçirmegiň ähmiýeti Hormatly Prezidentimiziň parasatly baştutanlygynda halkymyzyň gadymdan gelýän hoşniýetlilik, parahatsöýüjilik, ynsanperwerlik häsiýetleri we däpleri döwletimiziň dost-doganlyk ýörelgesiniň esasy bolup durýar. Baky Bitarap Türkmenistan döwletimiziň daşary syýasat strategiýasynda gazanýan üstünlikleri, halkara hyzmatdaşlygy ösdürmekde we umumadamzat ösüşlerine bagly meseleleriň oňyn çözgütlerini tapmakda alyp barýan parahatçylykly ýörelgesi dünýä bileleşigi tarapyndan giňden goldanylýar. Birleşen Milletler Guramasynyň Baş Assambleýasynyň mejlislerinde Türkmenistanyň başlangyjy esasynda taryhy Kararnamalar biragyzdan kabul edilýär, şolaryň esasynda bolsa «2025-nji ýyl Halkara parahatçylyk we ynanyşmak ýyly» diýlip yglan edildi. Halkara parahatçylyk we ynanyşmak ýylynyň yglan edilmegi dünýä döwletleriniň arasyndaky köptaraplaýyn gatnaşyklarda parahatçylygyň we ynanyşmagyň pugtalanmagyna özboluşly itergi berýär. Hususan-da, ol durnukly ykdysady ösüşi gazanmak maksady bilen, syýasy gepleşikleri, özara düşünişmegi we halkara hyzmatdaşlygy ýola goýmagyň esasynda tagallalary jebisleşdirmekde uly ähmiýete eýe bolup durýar. Milli ykdysadyýetimiziň ösýän döwründe daşary ýurtlar bilen ykdysady gatnaşyklary ösdürmeklik hem-de ony pugtalandyrmaklyk döwrüň derwaýys meseleleriniň biridir. Şonuň üçin hem dünýä döwletleri bilen ähli ugurlarda şol sanda ylym-bilim ulgamynda hyzmatdaşlyklaryň ýola goýulmagy hem-de olar bilen bu ugurda içgin pikir alyşmalaryň kämilleşdirilmegi giň gözýetimli, kämil hünärmenleri, Watansöýüji ýaşlary ýüze çykarmaklyga uly itergi berýär. Ýurdumyzyň ýokary okuw mekdepleriň hem-de dünýäniň abraýly ýokary okuw jaýlarynyň talyplarynyň arasynda ykdysady ugurlar boýunça olimpiadalaryň yzygiderli geçirilmegi ilkinji nobatda ykdysady çemeleşmeleri ösdürmekdäki we Türkmenistanyň sanly bilim ulgamynda gazanan netijelerini hem-de ýaşlaryň innowasion tehnologiýalary ulanmakdaky ukyp-başarnyklaryny kämileşdirýär. “Türkmenistanda sanly bilim ulgamyny ösdürmegiň Konsepsiýasyna” laýyklykda bilim ulgamynda ýokary netijeleri gazanmak, şeýle hem bilimiň hilini yzygiderli kämilleşdirmek maksady bilen ýurdumyzyň we daşary döwletleriň ýokary okuw mekdepleriň talyplarynyň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň geçirilmegi milli ykdysadyýetimiziň durnukly ösýän we halkara derejesine çykýan döwründe innowasion tehnologiýalary netijeli peýdalanýan we ýüze çykýan ykdysady meseleleri özbaşdak çözmegi başarýan zehinli talyp ýaşlary kemala getirmekde möhüm ähmiýete eýe bolar. II. Olimpiadany geçirmegiň maksady «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň geçirilmeginiň esasy maksady ýaş nesliň ykdysady düşünjelerini has-da giňeltmekden, olara dünýäde parahatçylygy we birek-birege bolan ynanyşmagy berkitmegiň zerurlygyny wagyz etmekden şeýle-de, onuň ykdysady ösüşdäki möhüm ornuny görkezmekden, netijede ýaşlaryň döredijilikli, ykdysady taýdan pikirlenmek ukyplaryny has-da ösdürmekden ybaratdyr. III. Olimpiadanyň wezipeleri: - häzirki zaman bilim, sanly tehnologiýalary ulanmak arkaly ykdysady meseleleri çözmeklige gyzyklanma döretmek; - zehinli we ukyply ýaşlary ýüze çykarmak, olaryň mundan beýläk intellektual ösüşi bilen bagly ukyp başarnyklarynyň ösmegine oňyn şertleri döretmek; - sanly maglumat-kommunikasiýa tehnologiýalary arkaly ýokary okuw mekdepleriň özara aragatnaşygyny amala aşyrmak. IV. Olimpiadanyň geçirilişiniň tertibi - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyna Türkmenistanyň we daşary ýurtlaryň ýokary okuw mekdepleriniň dürli ugurlary boýunça okaýan talyplary gatnaşyp bilerler; - olimpiadanyň resmi iş dilleri – türkmen, rus, iňlis dilleri; - olimpiada 2025-nji ýylyň 28-nji noýabrynda Aba Annaýew adyndaky Halkara atçylyk akademiýasynyň www.ihba.edu.tm salgysynda ýerleşýän onlaýn platformasynda geçiriler. Olimpiada gatnaşmak üçin dalaşgärleri hasaba almak hem şu platformanyň üsti bilen 2025-nji ýylyň 24-nji noýabryna çenli amala aşyrylýar; - Guramaçylyk topary olimpiadanyň geçirilişine Zoom platformasy arkaly onlaýn wideo gözegçiligi amala aşyrýar; - Guramaçylyk topary tarapyndan gatnaşyjylara bir gezek ulanmaga niýetlenen ulanyjynyň ady (login) we parol olimpiada geçirilýän güni gatnaşyjynyň hasaba alnan elektron salgysyna ugradylýar. - Internet olimpiadasynyň ýumuşlary Makroykdysadyýet, Dünýä ykdysadyýeti we Halkara ykdysady gatnaşyklar derslerine degişli test soraglaryndan ybarat bolar. V. Olimpiadanyň guramaçylyk-usulyýet üpjünçiligi Ýurdumyzyň we daşary ýurtlaryň ýokary okuw mekdepleriniň talyplarynyň arasynda - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyny guramak we geçirmek boýunça umumy ýolbaşçylygy amala aşyrmak üçin Guramaçylyk topary döredilýär. - ýurdumyzyň we daşary ýurtlaryň ýokary okuw mekdepleriniň arasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyny geçirmegiň esasy ýörelgelerini kesgitleýär hem-de olimpiadany guramak we geçirmek boýunça guramaçylyk işleriň toplumyny ýerine ýetirýär; - olimpiadany geçirmegiň tertibini we möhletini kesgitlemek boýunça teklipleri hem-de usulyýet we gözükdiriji gollanmalary taýýarlaýar; - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasynyň meselelerini işläp taýýarlamak boýunça işleri alyp barýar; - olimpiadanyň eminler toparynyň düzümi Aba Annaýew adyndaky Halkara atçylyk akademiýasynyň rektory tarapyndan tassyklanylýar. VI. Olimpiadanyň geçirilişine bildirilýän talaplar - «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyna gatnaşýan her bir talyp berilýän ýumuşlary özbaşdak işlemeli; - olimpiadanyň geçirilýän wagtynda birek-birek bilen gepleşmeklige, dürli neşir önümlerinden peýdalanmaga rugsat berilmeýär; - ýokardaky düzgünleri berjaý etmeýän talyplar bäsleşige gatnaşýanlaryň hataryndan çykarylar. VII. Olimpiadanyň netijelerini jemlemek we ýeňijileri sylaglamak Bäsleşigiň netijeleri boýunça toplanan ballaryň jemi esasynda I, II we III orunlar kesgitlenilýär. Bäsleşigiň ýeňijileri Aba Annaýew adyndaky Halkara atçylyk akademiýasynyň rektory tarapyndan I, II we III derejeli diplomlar bilen sylaglanar.
01.11.2025
Ýokary okuw mekdepleriň talyplarynyň arasynda Maliýe dersi boýunça II Açyk Halkara internet olimpiadasy
Türkmenistanda sanly bilim ulgamyny ösdürmegiň Konsepsiýasyny durmuşa ornaşdyrmagyň Meýilnamasyny ýerine ýetirmek, bilim ulgamynda halkara hyzmatdaşlygyny hem-de talyplaryň ykdysady pikirlenmelerini we başarnyklaryny ösdürmek maksady bilen ýokary okuw mekdepleriň talyplarynyň arasynda Maliýe dersi boýunça II Açyk Halkara internet olimpiadasyny guramak we geçirmek boýunça Düzgünnama işlenip taýýarlanyldy. 1. Umumy düzgünler Şu Düzgünnama ýokary okuw mekdepleriň talyplarynyň arasynda Maliýe dersi boýunça II Açyk Halkara internet olimpiadasyny guramagyň we geçirmegiň tertibini kesgitleýär. Ýokary okuw mekdepleriň talyplarynyň arasynda Maliýe dersi boýunça Açyk Halkara internet olimpiadalaryny yzygiderli geçirmek Türkmenistanyň sanly bilim ulgamynda gazanan netijelerini we ýaşlaryň innowasion tehnologiýalary, maliýe çemeleşmeleri ulanmakda ukyp-başarnyklaryny görkezer. Halkara internet olimpiadalaryň geçirilmegi milli ykdysadyýetiň durnukly ösýän şertlerinde bilim tehnologiýalaryny netijeli ulanmaga we çylşyrymly maliýe meseleleri özbaşdak çözmegi başarýan zehinli talyp ýaşlary ýüze çykarmaga ýardam eder. Olimpiadanyň maksady: a) ýokary okuw mekdepleriniň talyplarynyň arasynda ylym-bilim hyzmatdaşlygy ösdürmek, öňdebaryjy tejribeleri ýaýratmak we bilim çeşmeleri boýunça maglumatlary alyş-çalyş etmek; b) ýokary okuw mekdepleriniň professor-mugallymlarynyň we talyp ýaşlarynyň bilelikde ylmy pikir alyşmalaryny guramak; ç) häzirki döwürde ýüze çykýan ylmy we amaly meseleler boýunça netijeli dolandyryş çözgütlerini kabul etmäge ukyply ýaş hünärmenleri taýýarlamak; d) talyplaryň maliýe pikirlenmelerini we dünýägaraýyşlaryny ösdürmek. Olimpiadanyň wezipesi: a) häzirki zaman sanly tehnologiýalary ulanmak arkaly maliýe meseleleri çözmeklige gyzyklanma döretmek; b) zehinli we ukyply ýaşlary ýüze çykarmak, olaryň mundan beýläk intellektual ösüşi bilen bagly hünär saýlamaklaryna oňyn şertleri döretmek; ç) sanly maglumat-kommunikasiýa tehnologiýalary arkaly ýokary okuw mekdepleriň we ylmy merkezleriň özara aragatnaşygyny amala aşyrmak. 2. Olimpiadanyň guramaçylyk-usulyýet üpjünçiligi Ýokary okuw mekdepleriniň talyplarynyň arasynda Maliýe dersi boýunça II Açyk Halkara internet olimpiadasyny guramak we geçirmek boýunça umumy ýolbaşçylygy amala aşyrmak üçin Guramaçylyk topary döredilýär. Döredilýän guramaçylyk toparynyň düzümi Türkmen döwlet ykdysadyýet we dolandyryş institutynyň rektorynyň buýrugy bilen tassyklanylýar. Guramaçylyk topar: a) ýokary okuw mekdepleriniň talyplarynyň arasynda Maliýe dersi boýunça II Açyk Halkara internet olimpiadasyny geçirmegiň esasy ýörelgelerini kesgitleýär hem-de olimpiadany guramak we geçirmek boýunça guramaçylyk işleriň toplumyny ýerine ýetirýär; b) olimpiadany geçirmegiň tertibini we möhletini kesgitlemek boýunça teklipleri hem-de usulyýet we gözükdiriji gollanmalary taýýarlaýar; ç) Türkmenistanyň we daşary ýurtlaryň ýokary okuw mekdepleriniň wekilleri bilen olimpiadanyň meselelerini işläp taýýarlamak boýunça işleri alyp barýar. 3. Olimpiadany guramagyň we geçirmegiň tertibi 3.1. Olimpiada Türkmenistanyň we daşary ýurtlaryň ähli ýokary okuw mekdepleriniň dürli ugurlarynyň, hünärleriniň ýokary bilim maksatnamalary boýunça okaýan talyplar gatnaşyp biler; 3.2. Olimpiadanyň resmi iş dilleri - türkmen, iňlis we rus dilleridir. 3.3. Her bir gatnaşýan talyp tsiem.olymp@gmail.com, tsiem.muhanow @gmail.com elektron poçtalaryna gatnaşyjylar barada doldurylan maglumatlary iberip, hasaba alynmalydyr. Gatnaşyjylar tarapyndan iberilen maglumatlary esasynda, talyplara tsiem.olymp.edu.tm onlaýn platformasyna girmek üçin akkaunt dörediler we degişli maglumatlar (login, parol) gatnaşyjylara iberiler. Olimpiada Türkmen döwlet ykdysadyýet we dolandyryş institutynyň tsiem.olymp.edu.tm salgysynda ýerleşýän onlaýn platformasynda geçiriler. Bäsleşige okaýan hünärine bagly bolmazdan her ýokary okuw mekdebinden 4-den (dörtden) köp bolmadyk talyplar gatnaşyp biler. 3.4. Internet olimpiada Maliýe dersi boýunça 10 (on) sany ýumuş hödürlener we olary çözmek üçin 120 (bir ýüz ýigrimi) minut wagt berler. 3.5. Olimpiada gatnaşýan her bir talyp berilýän ýumuşlary özbaşdak işlemeli. Olimpiadanyň geçýän wagtynda birek-birek bilen gepleşmek, neşir önümlerinden peýdalanmaga rugsat berilmeýär. Şu düzgünleri berjaý etmeýän talyplar olimpiada gatnaşýanlaryň hataryndan çykarylýar. 3.6. Olimpiadanyň eminler toparynyň düzümine Türkmenistanyň we daşary ýurtlaryň ýokary okuw mekdepleriniň wekilleri girer. Eminler toparynyň düzümini we onuň başlygyny Türkmen döwlet ykdysadyýet we dolandyryş institutynyň rektory tassyklaýar. 3.7. Eminler topary olimpiada gatnaşýan talyplaryň işlerini bahalandyrýar we netijelerini jemleýär. 3.8. Arz-şikaýatlar eminler topary tarapyndan seredilýär we ahyrky netijäni eminler toparynyň başlygy kesgitleýär. 4. Olimpiadanyň ýeňijilerini kesgitlemegiň we sylaglamagyň tertibi 4.1. Olimpiadanyň netijesi şahsy bäsleşikde toplanan ballaryň jemi boýunça kesgitlenýär. 4.2. Olimpiadanyň netijeleri beýanlar arkaly resmileşdirilýär we eminler toparynyň netijenamasy esasynda ýeňijileriň düzümi Türkmen döwlet ykdysadyýet we dolandyryş institutynyň rektorynyň buýrugy bilen tassyklanylýar. 4.3. Ýeňijileriň umumy sany gatnaşyjylaryň 50%-den geçmeli däldir. Diplomlar 1:2:3 gatnaşykda kesgitlenilýär. 4.4. Olimpiadanyň ýeňijileri I, II we III derejeli diplomlar bilen sylaglanylýar. 4.5. Olimpiadada 6 (alty) sany meseläni doly çözen, ýöne baýrakly orna mynasyp bolup bilmedik talyplar höweslendiriji Hormat haty bilen sylaglanylýar.
30.10.2025
Türkmenistanyň ÝOM-lerinde geçiriljek halkara maslahatlaryň we olimpiadalaryň tertibi
Şu ýylyň noýabr-dekabr aýlarynda Türkmenistanyň ýokary okuw mekdeplerinde halkara bilim olimpiadalary we bäsleşikler, şeýle hem halkara ylmy-amaly maslahatlar geçiriler. «Watan» habarlar gepleşiginde habar berlişi ýaly, bu barada şu gün sanly ulgam arkaly geçirilen Hökümet mejlisinde wise-premýer B.Orazdurdyýewanyň hasabatynda aýdyldy. Hasabatda bellenilişi ýaly, sanly ulgam arkaly hem-de utgaşykly görnüşde geçirilmegi meýilleşdirilýän bu olimpiadalara, ylmy-amaly maslahatlara Türkmenistanyň ýokary okuw mekdepleriniň talyplary, professor-mugallymlary bilen birlikde dünýäniň iri ýokary okuw mekdepleriniň, ylmy merkezleriniň, halkara guramalaryň wekilleriniň gatnaşmagy göz öňünde tutulýar. Wise-premýer döwlet Baştutanynyň garamagyna degişli teklibi hödürledi. Teklibe laýyklykda, hususan-da: Myrat Garryýew adyndaky Türkmenistanyň Döwlet lukmançylyk uniwersitetinde biologiýa dersi boýunça IV halkara internet olimpiadasyny; Ýagşygeldi Kakaýew adyndaky Halkara nebit we gaz uniwersitetinde «Sanly innowasion tehnologiýalaryň geljegi we ylym-bilim ulgamyna ornaşdyrylyşy» atly halkara ylmy-amaly maslahaty; S.A.Nyýazow adyndaky Türkmen oba hojalyk uniwersitetinde «Agrosenagat toplumynyň durnukly ösüşi» atly halkara ylmy-amaly maslahaty we IV açyk halkara internet ekologiýa olimpiadasyny; Aba Annaýew adyndaky Halkara atçylyk akademiýasynda «Halkara parahatçylyk we ynanyşmak – ykdysady ösüşleriň özeni» atly halkara internet olimpiadasyny; Türkmen döwlet ykdysadyýet we dolandyryş institutynda «Ykdysadyýetiň durnukly ösüşi: halkara tejribe we ösüşiň geljekki ugurlary» atly II halkara ylmy-amaly maslahaty hem-de maliýe dersi boýunça II açyk halkara olimpiadany; Türkmen döwlet maliýe institutynda maliýe hasabatlylygynyň halkara standartlary dersi boýunça II açyk halkara olimpiadany; Seýitnazar Seýdi adyndaky Türkmen döwlet mugallymçylyk institutynda fizika dersi boýunça V açyk halkara internet olimpiadasyny; Türkmen döwlet medeniýet institutynda «Ýaşyl Zemin – abadan durmuş» atly ýaş fotožurnalistleriň halkara döredijilik bäsleşigini; Türkmen oba hojalyk institutynda «Oba hojalyk pudagynyň durnukly ösüşinde biotehnologiýalaryň orny» atly II halkara ylmy-amaly maslahaty hem-de «Agroinnowasiýalar: durnukly ösüşiň röwşen ýoly» atly II halkara ylmy-taslama bäsleşigini; Türkmenistanyň Inžener-tehniki we ulag kommunikasiýalary institutynda «Halkara ulag-logistiki hyzmatdaşlygy berkitmekde Türkmenistanyň durnukly ulag syýasatynyň orny» atly halkara ylmy-amaly maslahaty geçirmek teklip edilýär. Prezident Serdar Berdimuhamedow hasabaty diňläp, ýurtda ýaş nesliň zehin-başarnygyny ösdürmäge, bu ugurda halkara hyzmatdaşlygy berkitmäge möhüm ähmiýet berilýändigini belledi. Döwlet Baştutany ýurduň degişli ýokary okuw mekdeplerinde sanly ulgam arkaly halkara maslahatlary hem-de olimpiadalary geçirmek baradaky teklibi makullap, wise-premýere degişli işleri geçirmegi tabşyrdy.
29.10.2025
Türkmenistanyň hemişelik Bitaraplygynyň 30 ýyllygy mynasybetli publisistik makalalary ýazmak boýunça ýurdumyzyň ýokary okuw mekdepleriniň talyplarynyň arasynda geçirilýän “Hemişelik Bitarap Türkmenistan parahatçylygyň we ynanyşmagyň Watany” atly bäsleşik
Halkara parahatçylyk we ynanyşmak ýylynda dünýä bileleşigi bilen bilelikde giňden bellenilýän Türkmenistanyň hemişelik Bitaraplygynyň 30 ýyllygy mynasybetli publisistik makalalary ýazmak boýunça ýurdumyzyň ýokary okuw mekdepleriniň talyplarynyň arasynda geçirilýän “Hemişelik Bitarap Türkmenistan parahatçylygyň we ynanyşmagyň Watany” atly bäsleşigi UMUMY DÜZGÜNLER Türkmen halkynyň gadymdan gelýän parahatçylyk söýüjilik, ynsanperwerlik ýörelgeleriniň durmuşa geçirilmegi netijesinde döwletimiziň hemişelik Bitaraplyk hukuk derejesiniň halkara ähmiýeti has-da ýokarlanýar we baý many-mazmuna eýe bolýar. Milli Liderimiz tarapyndan başlanyp, Hormatly Prezidentimiziň baştutanlygynda üstünlikli durmuşa geçirilýän deňhukuklylyk, özara düşünişmek, hoşniýetli goňşuçylyk, oňyn Bitaraplyk ýörelgelerine esaslanýan daşary syýasatymyz dünýä bileleşiginde giň goldaw tapýar. Şunuň bilen baglylykda, Türkmenistanyň başlangyjy bilen Birleşen Milletler Guramasynyň Baş Assambleýasy tarapyndan “2025-nji ýyl – Halkara parahatçylyk we ynanyşmak ýyly” atly Kararnama biragyzdan kabul edildi. Döwlet Baştutanymyz Türkmenistanyň Mejlisiniň agzalarynyň halkymyz bilen bilelikdäki teklibini goldap, 2025-nji ýylyň şygaryny “Halkara parahatçylyk we ynanyşmak ýyly” diýip yglan etdi. Hormatly Prezidentimiziň Türkmenistanyň Halk Maslahatynyň mejlisindäki çykyşynda (Aşgabat şäheri, 2025-nji ýylyň 19-njy sentýabry) belleýşi ýaly, Halkara parahatçylyk we ynanyşmak ýylynda Garaşsyz Türkmenistanyň hemişelik Bitaraplygynyň 30 ýyllygy giňden bellenilýär. Bu şanly sene ýurdumyzda we dünýä döwletlerinde dürli halkara çäreleri: ylmy maslahatlar, mejlisler, bäsleşikler, sergiler hem-de beýleki çäreler bilen dabaralandyrylýar. Garaşsyz Türkmenistanyň hemişelik Bitaraplygynyň 30 ýyllygy mynasybetli meýilleşdirilýän çäreleriň çäginde Türkmen döwlet medeniýet institutynda mukaddes Garaşsyzlygymyzy, hemişelik Bitaraplygymyzy, Türkmenistanyň Prezidenti Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň amala aşyrýan il-ýurt bähbitli, halkara, dünýä ähmiýetli beýik işlerini, Berkarar döwletimiziň täze eýýamynyň Galkynyşy döwründe ýurdumyzda gazanylýan ösüşleri beýan edýän publisistik makalalary ýazmak boýunça ýurdumyzyň ýokary okuw mekdepleriniň talyplarynyň arasynda “Hemişelik Bitarap Türkmenistan parahatçylygyň we ynanyşmagyň Watany” atly döredijilik bäsleşigi geçirilýär. Mukaddes Garaşsyzlygymyzyň, hemişelik Bitaraplygymyzyň baý many-mazmunyny, ähmiýetini beýan edýän makalalary ýazmak boýunça ýokary okuw mekdepleriniň talyplarynyň gatnaşmagynda geçirilýän döredijilik bäsleşiginiň düzgünnamasy (mundan beýläk, Düzgünnama) bäsleşigiň maksadyny we wezipelerini, oňa gatnaşyjylara bildirilýän talaplary, bäsleşigi geçirmegiň tertibini kesgitleýär. Düzgünnamanyň ýerine ýetirilmegine Türkmen döwlet medeniýet institutynda hereket edýän jemgyýetçilik guramalarynyň ýolbaşçylary we ylym bölüminiň işgärleri jogap berýärler, olar guramaçylyk topary hökmünde bellenen işleri alyp barýarlar. Bäsleşik boýunça tapawutlanan işler çap edilmegi üçin ýurdumyzyň gazet-žurnallaryna hödürleniler we olar baradaky maglumatlar institutyň resmi saýtynda ýerleşdiriler. BÄSLEŞIGIŇ MAKSADY WE WEZIPELERI Bäsleşigiň maksady: Mukaddes Garaşsyzlygymyzyň, hemişelik Bitaraplygymyzyň, Türkmenistanyň Prezidenti Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň amala aşyrýan il-ýurt bähbitli, halkara, dünýä ähmiýetli beýik işleriniň, ýurdumyzda gazanylýan ösüşleriň taryhy ähmiýetini wagyz etmek. Berkarar döwletimiziň täze eýýamynyň Galkynyşy döwründe ýurdumyzyň talyp ýaşlarynyň öz hünärine, çeper döredijilige bolan gyzyklanmalaryny artdyrmak, döredijilik ukyplaryny açyp görkezmek, şahsyýet hökmünde kemala gelmegine, ata-babalarymyzyň ruhy-ahlak ýörelgelerine wepaly nesiller bolup ýetişmegine ýardam etmek, olarda eziz Watanymyza, milli medeniýetimize egsilmez buýsanjy terbiýelemek we ösdürmek. Bäsleşigiň wezipeleri: - Türkmenistanyň Prezidenti Arkadagly Gahryman Serdarymyzyň, türkmen halkynyň Milli Lideri Gahryman Arkadagymyzyň amala aşyrýan beýik işleriniň, ýurdumyzda gazanylýan ösüşleriň taryhy ähmiýetini ündew etmek; - aýratyn zehinli ýaşlary ýüze çykarmak; - zehinli ýaşlaryň döredijilik hyzmatdaşlygyny giňeltmek. BÄSLEŞIGI GEÇIRMEGIŇ WE OŇA GATNAŞMAGYŇ ŞERTLERI Bäsleşigi geçirmegiň we oňa gatnaşmagyň şertleri degişli edaralara hat ibermek esasynda we ýörite bildiriş arkaly institutyň resmi saýtynda mälim edilýär. Bäsleşigiň jemleýji tapgyry 2025-nji ýylyň dekabr aýynyň 1-ine sagat 17-00-da Türkmen döwlet medeniýet institutynyň Mejlisler zalynda geçirilýär. Bäsleşik jemlenilmezden azyndan 1 aý öň, ýokary okuw mekdebinden oňa gatnaşjak talyp barada maglumaty beýan edýän hat we makalanyň çap edilen nusgasy Türkmen döwlet medeniýet institutyna ugradylmaly (bäsleşige gatnaşýan talybyň familiýasy, ady, atasynyň ady, okaýan fakulteti, hünäri we ýyly, makalasynyň ady görkezilmeli). Işiň möçberi A4 (210×297 mm) ölçegde, 4-5 sahypa bolmaly. Sahypa ölçegleri: ýokary we aşak taraplarda – 2,0 sm, çep tarapda – 2,5 sm, sag tarapda – 1,5 sm. Oriýentasiýasy – "kitap" görnüşli, şrifti – Times New Roman, ölçegi – 14 pt, setir arasy – 1. Elektron görnüşde tabşyrylýan ähli materiallar diňe Word for Windows formatynda kabul edilýär (doc we docx giňeltmesi bilen). Bildirilýän talaplara laýyk gelmeýän işler kabul edilmeýär. Iş tabşyrylandan soňra hödürlenilen düzedişler we goşundylar kabul edilmeýär. BÄSLEŞIGIŇ GEÇIRILIŞ TERTIBI Bäsleşik şu tertipde geçirilýär: talybyň şu Düzgünnamada görkezilen many-mazmunda türkmen dilinde beýan edilen we ýokary okuw mekdebi tarapyndan hödürlenen publisistik makalasy bäsleşigiň jemleýji tapgyryna eminleriň baha bermegi üçin kabul edilýär; her ýokary okuw mekdebinden 1 iş jemleýji tapgyra gatnaşmaga hukuk gazanýar. BÄSLEŞIGIŇ EMINLERI Bäsleşige hödürlenilen işlere mynasyp baha bermek üçin, guramaçylyk topary tarapyndan eminler saýlanylyp alynýar. Eminler toparynyň agzalary hakynda bäsleşik geçirilende mälim edilýär. Bäsleşigiň eminleri özbaşdak işleýärler, çekeleşikli ýagdaý ýüze çykanda goşmaça şert girizmek hukugyny özünde saklaýar. BÄSLEŞIGIŇ ÝEŇIJILERINI SYLAGLAMAK Bäsleşik boýunça ýeňijiler emin agzalary tarapyndan saýlanylýar we köpçülige mälim edilýär. Bäsleşigiň jemi boýunça 1-nji, 2-nji, 3-nji orunlar bellenilýär. Türkmen döwlet medeniýet institutynyň rektorlygy, Kärdeşler Arkalaşyklary guramasy tarapyndan ýeňijilere Hormat hatlary we gatnaşyjylara Minnetdarlyk hatlary, sowgatlar gowşurylýar. Guramaçylyk topary: habarlaşmak üçin telefon belgileri – 481105. Maglumatlary ýollamak üçin elektron salgy – tdmi.ylymbolumi@gmail.com.
27.10.2025
Ýagşygeldi Kakaýew adyndaky Halkara nebit we gaz uniwersitetinde “Software.Hack” atly hakaton bäsleşigi
Berkarar döwletiň täze eýýamynyň Galkynyşy döwründe Hormatly Prezidentimiziň ýolbaşçylygynda Türkmenistan Watanymyz aýdyň ýol bilen beýik ösüşlere we özgerişlere tarap öňe barýar. Bu ösüşlerde ýurdumyzyň bilim ulgamynyň işiniň döwrebap kämilleşmegi uly ähmiýete eýedir. Hünär biliminiň esasy maksady jemgyýete peýdaly, işjeň, ýokary derejeli hünärmenleri taýýarlap ýetişdirmekden ybaratdyr. Şeýle hünärmenleri taýýarlamakda önümçilik okuwynyň netijeliligi bilim alýanlaryň hünär ussatlygynyň emele gelmegi, zähmet endikleriniň kemala gelmegi, zähmetsöýerlik we medeniýetli özüňi alyp barmak zerur bolup durýar. Häzirki zaman kompýuter ulgamlarynyň ähli ýerlerde ulanylmagy hem-de ykjam gurluşlardan başlap tä göterilýän kompýuterlere çenli dürli serişdeleriň üsti bilen aragatnaşygy amala aşyrmak ýa-da özara baglaşmak ukyby döwlet we hususy edaralar üçin köp gowşaklyklary we mümkin bolan howp wektorlaryny döredýär. Bu gowşaklyklaryň ulanylmagy içalylyk, buýruk beriji we dolandyryş obýektleriň netijeliliginiň peselmegi, intellektual eýeçiliginiň we şahsy häsiýetli duýgur maglumatyň ogurlanmagy, wajyp hyzmatlaryň berilmeginiň we örän wajyp infrastrukturanyň işlemeginiň bozulmagy ýa-da ykdysadyýete we senagata zeper ýetirilmegi ýaly bilkastlaýyn işleriň üsti bilen milli howpsuzlyga ýaramaz täsir etmegi mümkin. Adalgalar we kesgitlemeler Hakaton – bu saýlanyp alnan ders boýunça täze pikirleriň döremegine we bu pikirleriň durmuşa geçirilmegine niýetlenen ýörite meýdança. Hakatonyň ýörite formaty dürli kärdäki, dürli başarnykly adamlary bir topara jemläp, saýlanyp alnan ders boýunça täze çözgütleri gözlemäge itergi berýär. Gatnaşyjy – öz adyndan hereket edýän we bellenilen tertipde hasaba alnan, ýaşy on alty we ondan uly bolan mekdep okuwçysy ýa-da talyp. Bäsleşik meselesi – belli bir wagtyň dowamynda ýerine ýetirilmeli mesele. Topar - bäsdeşlik wezipesini ýerine ýetirmek üçin birleşen birden bäş adama çenli gatnaşyjylar topary. Her bir gatnaşyjy diňe bir toparyň agzasy bolup biler. Toparbaşy - toparyň agzalary tarapyndan saýlanan hem-de Hakaton bäsleşigi geçirilen wagtynda toparyň adyndan guramaçylyk kararlary kabul etmäge we toparyň bähbitlerine wekilçilik edýän gatnaşyjy. Mentorlar – bäsleşikde hödürlenen ýumuş ýerine ýetirilýän wagtynda toparlara maslahat berýän şahslaryň topary. Taslama (önüm) – meseläni görkezilen wagtda çözmek üçin işlenip düzülen ýa-da jemlenen programma üpjünçiligi, gurallar serişdeleri, algoritmler toplumy ýa-da ädimleriň görkezmesi, tanyşdyryşlar; Ýeňijiler – Hakaton bäsleşiginiň netijesinde eminler tarapyndan iň gowy taslama diýlip ykrar edilen toparlar; Eminler - taslamalara baha berýän we hakaton bäsleşiginiň ýeňijilerini kesgitleýän wekiller. Emin agzalary guramaçylyk toparynyň wekillerinden ýa-da garaşsyz bilermenlerden ybarat bolup biler. Hakaton bäsleşiginiň esasy maksady • okaýanlaryň hünär taýýarlygynyň hilini ýokarlandyrmak; • döredijilik ukybyny ýokarlandyrmak; • geljekdäki kärine (hünärine) söýgi döretmek; • dürli maksatly we ugurly programma üpjünçiliklerini döretmek; • döredilen programma üpjünçiliginde dürli maglumatlary birikdirmek; • programma üpjünçilikleriniň işjeňligini ýokarlandyrmagyň ýollaryny kesgitlemek; • okaýanlaryň başarnyklaryny açyp görkezmek; • giriş maglumatlary okamak üçin interfeýsi döretmegi öwrenmek; • çykyş maglumatlary döretmek üçin interfeýsi döretmegi öwrenmek; • toparda işlemegi öwrenmek. Hakaton bäsleşiginiň şertleri Bu Hakaton bäsleşiginde emin agzalary talyplaryň we beýleki gatnaşyjylaryň zähmet usullaryny, her bir işiniň tehnologiki sowatlylygyny, ýumuşyň wagtynda we dürs ýerine ýetirilişine gözegçilik edýärler, tehniki howpsuzlygyny we zähmeti goramagyň talaplaryny berjaý etmek barada wagyz işlerini ýerine ýetirýärler. Bäsleşigiň tertibine seredip emin agzalary netije çykarýarlar. Hakaton bäsleşiginiň ýumuşy Windows operasion ulgamynda dürli resminamalar (*.doс, *.doсx, *.xls, *.xlsx, *.ppt, *.pptx, *.pdf, *.bmp we ş.m.) görnüşindäki nusgalaryň (şablonlaryň) esasynda resminamalaryň köplügini döredip berýän programma üpjünçiligini ýa-da amaly goşundylary döretmekden ybarat. Gatnaşyjy bäsleşikde berlen ýumuşy programmirleme dilleriň, gurallar serişdeleriň islendiginde ýerine ýetirip biler. Gatnaşyjy talyba bildirilýän talaplara görä geýinmelidir. Hakaton bäsleşiginiň temasy: Kafedranyň we fakultetiň resminamalaşdyrma işlerini awtomatlaşdyrmak üçin programma üpjünçiligini döretmek. Gatnaşyjylarryň döreden programma önümleri şulary ýerine ýetirmelidir: • giriş resminamalary okamagy; • okalan maglumatlary tertipleşdirmegi; • nusga (şablon) resminamalary seljermegi; • nusga resminamalaryny tabşyrylan ýumuşa laýyklykda doldurmagy we aýratynlykda ýatda saklamagy; • resminamalaryň köplügini çap etmegi. Hakaton bäsleşigi toparlaýyn we ýekelikde hem geçirilip biliner. Topar 3 adamdan ybarat bolup biler. Her toparyň öz toparbaşysy bolmaly. Toparyň sanawyny şu Düzgünnama goşulan 1-nji goşunda laýyklykda cmaksat@gmail.com elektron salgysyna 2025-nji ýylyň oktýabr aýynyň 5-ne çenli ugratmaly. Her okuw mekdebinden ýa-da edaradan diňe 1 topar gatnaşyp biler. Gatnaşyjylar gönümel ýa-da uzak aralykdan gatnaşyp biler (1-nji goşundyda görkezmeli). Uzak aralykdan gatnaşýan toparlar bolsa öz programmalaryny we olary ulanmak üçin ädimleýin görkezmelerini ugratmaly bolýarlar (munuň üçin bulut tehnologiýalary, Google Disk we ş.m. peýdalanmaly bolýar). Olaryň programmalaryny eminler toparyň ädimleýin görkezmelerine laýyklykda synag kompýuterlerinde işe goýbermeli bolýar. Ölçegler boýunça bahalandyrma Bu bölümde baha goýmagyň tertibi we goýlan bahalaryň jemi (garaýyşlar we bahalar) kesgitlenilýär. Emin agzalary hünär garaýşyny (subýektiw) geçirmelidirler. Adatça bu hil hakyndaky garaýyşdyr. Aşakdaky tablisada görkezilen ölçegler boýunça emin agzalaryň berip bilýän iň ýokary ballary görkezilýär: Görkezijiler Ballar 1. Programmanyň interfeýsi 20 2. Programmanyň işleýiş tizligi 20 3. Programmanyň maglumatlary şablona çykarmak derejesi 20 4. Resminamalary çap etmek mümkinçiligi 20 5. Okalan resminamalaryň netijesinde maglumat goruny döretmek mümkinçiligi 10 6. Programmanyň kompýuterleriň arasynda işläp bilmek mümkinçiligi (müşderi-serwer tehnologiýasy) 10 Jemi: 100 4.1. Ýerine ýetirilen ýumuşy bahalandyrmak üçin ölçegler 4.1.1 Programmanyň interfeýsi Resminamalary girizmek boýunça (10): Giriş resminamalaryň faýllarynyň ýoluny girizmek – 1-5 ball; Giriş resminamalary gepleşik penjiresi arkaly okamak 6-10 ball; Resminamalary taýýarlamak boýunça (10): Taýýarlanylan resminamalaryň ýoluny girizmek – 1-5 ball; Taýýarlanylan resminamalaryň döredilmeli ýerini gepleşik penjiresi arkaly görkezmek 6-10 ball 4.1.2 Programmanyň işleýiş tizligi Resminamalary taýýarlamak we ýatda saklamak: 30 sekunda çenli – 20 ball; 1 minuda çenli – 15 ball; 5 minuda çenli – 10 ball; 10 minuda çenli – 1-5 ball; 4.1.3 Programmanyň maglumatlary şablona çykarmak derejesi Şablon ýerleri doldurylan derejesi üçin: N:=20*D/100, bu ýerde D doldurylmaly ýerleriň dolulygyny göterimi, N toplanan ball, Meselem 80% maglumat doldurylýan bolsa N:=20*80/100 = 16 ball 4.1.4 Resminamalary çap etmek mümkinçiligi Resminamalary çap etmek mümkinçiligi – 5 ball; Resminamalaryň jübüt sahypalaryny çap etmek mümkinçiligi – 5 ball; Resminamalaryň täk sahypalaryny çap etmek mümkinçiligi – 5 ball; Resminamalaryň görkezilen sahypalaryny çap etmek mümkinçiligi – 5 ball. 4.1.5 Okalan resminamalaryň netijesinde maglumat goruny döretmek mümkinçiligi Emeli maglumat goruny döretmek – 1-5 ball; Maglumat goruny birikdirmek we maglumatlary jemlemek – 6-10 ball. 4.1.6 Programmanyň kompýuterleriň arasynda işläp bilmek mümkinçiligi (müşderi-serwer tehnologiýasy) Maglumatlary tor arkaly almak mümkinçiligi – 1-5 ball; Müşderi-serwer goşundysy üçin – 6-10 ball Hakaton bäsleşiginde ulanmaga rugsat berilýän we berilmeýän serişdeler Gatnaşyjy ýany bilen getiren şu aşakdakylary ulanyp bilýär: • şahsy kompýuter we noutbuk; • islendik dildäki klawiaturany; • klawiatura üçin dil faýllaryny; • syçanjyk. Hakatona gatnaşýanlar tarapyndan getirilen ähli serişdeler bilermenler tarapyndan içerki ýatda saklaýjy gurluşlaryň bardygy boýunça barlanyp bilner. Şeýle gurluşlar ýüze çykarylan ýagdaýynda olar wagtlaýynça bäsleşik tamamlanýança alynjakdyr. Bäsleşigiň dowamynda gatnaşyjylara hakaton meýdançasyndan çykmak gadagan edilýär. Şeýle hem mobil telefonlary ulanmak gadagandyr. Hakaton bäsleşigine gatnaşyjylar şu aşakdakylary göz öňüne tutmalydyr: • ähli enjamlary howpsuz usulda ulanmagy, arassalamagy hyzmat etmegi we saklamagy; • öndürijiniň gözükdirijisine laýyklykda ähli enjamlary howpsuz ulanmagy; • ýumuşy ýerine ýetirmek üçin enjamlary dürs saýlamagy; • taýýar önümi goramak üçin iş ýerini arassa saklamagy. Ýumuşy ýerine ýetirmek üçin berilýän wagt Hakaton bäsleşigiň ýumuşyny ýerine ýetirmek üçin onuň çylşyrymlylygyna baglylykda 2-4 sagat (bir ýa-da birnäçe gün hem bolup biler) berilýär. Ýumuş wagtyndan öň ýerine ýetirilen ýagdaýynda ol eminlere görkezilip bilner, emma onuň tiz ýerine ýetirilmegi üçin hiç-hili artykmaçlyk göz öňünde tutulmaýar. Wagtynda tamamlanmadyk ýumuşlar, bellenilen wagt geçenden soň, gatnaşyjynyň islegine görä eminlere şol görnüşde tabşyrylýar. Hakaton bäsleşiginiň ýeňijilerini kesgitlemek Bäsleşigiň ýeňijileri eminleriň goýan ballaryny jemlemegiň esasynda olaryň köplügi boýunça kesgitlenilýär. Hakatonyň netijeleri boýunça toparlaýyn görnüşde 1 sany Baş baýrak, 2 sany I orun, 3 sany II orun, 4 sany III orun berilýär. Bäsleşigiň ýeňijileri Hormat hatlar bilen sylaglanýar. Hakaton bäsleşigine gatnaşyjynyň berlen bahadan nägile bolan ýagdaýynda garaşsyz bilermenleriň gatnaşmagynda arz-şikaýat topar döredilýär. Topar agzalary seljerip, degişli çözgüdi çykarýarlar, eger berlen baha hakykatdan-da nädogry bolsa, eminler toparynyň goýan bahasyny üýtgetmegi teklip edýärler, şeýle ýagdaýda çözüw ses bermek arkaly amala aşyrylýar, bahanyň üýtgedilmegi barada beýan ýazylýar. Beýana arz-şikaýat toparynyň we eminler toparynyň ähli agzalary gol çekýärler. Toparyň çözgüdi täzeden seredilmeýär. 1-nji goşundy Ýurdumyzyň hünär-tehniki, orta hünär we ýokary okuw mekdepleriniň talyplarynyň, mekdep okuwçylarynyň, şeýlehem ýurdumyzyň ministrlikleriniň we pudaklaýyn dolandyryş edaralarynyň ýaşlar toparlarynyň arasynda geçiriljek“Software.Hack” atly hakatona ____________________________ gatnaşýan talyplar (okuwçylar) we olaryň ýolbaşçy mugallymy barada okuw mekdebiniň ady
17.10.2025
Türkmenistanyň milli puly - manadyň dolanyşyga girizilmeginiň 32 ýyllygy mynasybetli ýurdumyzyň ýokary okuw mekdepleriniň talyplarynyň gatnaşmaklarynda «Ykdysadyýet» ugry boýunça geçiriljek VII internet bäsleşigi
Hormatly Prezidentimiziň baştutanlygynda ýurdumyzyň ylym-bilim ulgamlaryny has-da kämilleşdirmek boýunça durmuşa geçirilýän maksatnamalaýyn özgertmeleriň çäklerinde talyp ýaşlary kämil hünärmenler edip ýetişmek, olaryň nazary bilimlerini artdyrmak, amaly ukyp-başarnyklaryny ösdürmek maksady bilen, ýurdumyzyň ýokary okuw mekdepleriniň talyp ýaşlarynyň arasynda «Ykdysadyýet» boýunça VII internet bäsleşigini geçirmek üçin şu Düzgünnama işlenip düzüldi.
17.10.2025